جاپون پروفەسسورىنىڭ جۇمباعىن شەشە الاسىز با؟
18:02, 01 - ءساۋىر 2022
نۇر- سۇلتان. قازاقپارات - جاپونيانىڭ ريتسۋمەيكان (كيوتو) ۋنيۆەرسيتەتىنىڭ پسيحولوگيا پروفەسسورى اكيوشي كيتاوكا Twitter جەلىسىندەگى پاراقشاسىندا جاريالاعان سۋرەتىمەن ينتەرنەت قولدانۋشىلارىن ءبىراز ويلاندىردى.
پسيحولوگ اق جانە قارا ءتۇستى شارشىلار بەينەلەنگەن سۋرەتتەن ونىڭ جاسىرىن پورترەتىن تابۋدى سۇرادى.
پسيحولوگتىڭ ايتۋىنشا، بۇل تاپسىرمانى ادامداردىڭ 10 پايىزى عانا ورىنداي الادى. كەيىنىرەك جۇمباق اۆتورى ينتەرنەت قولدانۋشىلارىنا كومەك بەرەدى.
ول سۋرەتكە الىستان نەمەسە جوعارى-تومەن قاراساڭ، ادامنىڭ پورترەتىن كورۋگە بولاتىنىن ايتقان. سونداي-اق، قولدانۋشىلاردىڭ كوبىسى سۋرەتكە سمارتفوننان قاراسا، ادامنىڭ پورترەتىن كورۋ جەڭىلىرەك ەكەنىن ايتىپ ءوتتى.
وسىلايشا، پىكىر قالدىرۋشىلاردىڭ ءبىرى پروفەسسوردىڭ پورترەتى قاي جەردە جاسىرىنىپ تۇرعانىنىن كورسەتە العان.
«تەنگرينيۋس»