رەسەي گازى ءۇشىن تولەم كەلىسىلگەن ۆاليۋتامەن جۇرگىزىلەدى - گەرمانيا كانسلەرى
10:20, 01 - ءساۋىر 2022
نۇر- سۇلتان. قازاقپارات - ەۋروپا ەلدەرى رەسەي گازىنىڭ اقشاسىن رۋبلمەن تولەۋگە قارسى ەكەندەرىن راستادى، دەپ حابارلايدى قازاقپارات Euronews-كە سىلتەمە جاساپ.
گەرمانيا ماسكەۋدەن كەلىسىمدەگى شارتتاردى ساقتاۋدى تالاپ ەتتى.
«ءبىز گاز جەتكىزۋگە جاسالعان كەلىسىمدى قاراپ شىقتىق. وندا تولەم نەگىزىنەن ەۋرومەن، كەيدە دوللارمەن جاسالاتىنى جازىلعان. رەسەي پرەزيدەنتىمەن اڭگىمەلەسۋ كەزىندە سولاي قالاتىنىن نىقتاپ ايتتىم»، - دەدى گەرمانيا كانسلەرى ولاف شولتس.
ال كەشە رەسەي پرەزيدەنتى ۆلاديمير پۋتين رەسەي گازىن ەكسپورتتاۋ كەزىندە باتىس سانكتسيالارىنا قارسى تۇرۋ ءۇشىن تولەمدى رۋبلمەن جاساۋ تۋرالى جارلىققا قول قويدى.