قازاقستاندىق تەننيسشى «ۇلكەن دۋلىعا» تۋرنيرىنىڭ ءۇش دۇركىن چەمپيونىن ۇتتى

نۇر-سۇلتان. قازاقپارات - قازاقستاندىق الەكساندر نەدوۆەسوۆ جۇپتىق سىندا يسپانياداعى ماربەليا چەللەندجەر تۋرنيرىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەنىندەي، ا. نەدوۆەسوۆ پاكستاندىق ايسام كۋرەشيمەن بىرگە شيرەك فينالدا يسپانيالىق پابلو اندۋحار جانە شۆەيتساريالىق، كەزىندە جەكەلەي سىندا ءۇش مارتە «ۇلكەن دۋلىعا» جارىسىنىڭ جەڭىمپازى اتانعان ستانيسلاس ۆاۆرينكامەن كەزدەستى.

الەكساندر مەن ايسام ءبىرىنشى پارتيادا قارسىلاستارىن بەت قاراتپاي ۇتتى - 6:1.

ەكىنشى سەت تاعدىرى تاي- برەيكتە شەشىلىپ، قازاقستاندىق- پاكستاندىق جۇپ جەڭىستى جۇلىپ الدى - 7:6 (7:1).

جارتىلاي فينالدا نەدوۆەسوۆ پەن كۋرەشي چەحيالىق رومان جەباۆى - اۋستريالىق فيليپپ وسۆالد نەمەسە ۇلى بريتانيالىقتار دجونني و مارا - كەن سكۋپسكي جۇپتارىنىڭ قاي جەڭگەنىمەن كۇش سىناسادى.

ەسكە سالا كەتەيىك، بۇدان بۇرىن قازاقستاندىق تەننيسشىنىڭ يسپانياداعى ءتۋرنيردىڭ شيرەك فينالىنا شىققانىن جازعان بولاتىنبىز.