الماتىدا جەتى نىسانعا «بومبا» قويىلدى - پوليتسيا
بۇل تۋرالى قالالىق پوليتسيا باسقارماسى ءمالىم ەتتى، دەپ حابارلايدى قازاقپارات ءتىلشىسى.
الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەكتىڭ ايتۋىنشا، قازىر ماماندار نىسانداردا تەكسەرۋ جۇمىستارىن جۇرگىزىپ جاتىر.
«تاڭەرتەڭ جەتى نىساندا جارىلعىش قۇرىلعىلار ورناتىلعانى تۋرالى اقپارات تارادى. ونىڭ ۇشەۋى تەكسەرىلدى. اقپارات جالعان بولىپ شىقتى. قالعاندارىندا ماماندار جۇمىس ىستەپ جاتىر. تەكسەرۋ ارنايى قۇرالدى قولدانۋ ارقىلى جۇزەگە اسىرىلۋدا. الگوريتمگە سايكەس نىساندارعا كەلۋشىلەر مەن قىزمەتكەرلەر ەۆاكۋاتسيالانادى. ازاماتتاردان قاۋىپسىزدىك شارالارىنا تۇسىنىستىكپەن قاراۋدى سۇرايدى»، - دەدى سالتانات ازىربەك.
ايتا كەتەيىك، تەكسەرىلگەن نىسان - 3 بانك. قازىر بارلىعى قالىپتى رەجيمدە جۇمىس ىستەپ تۇر. ەكى ساۋدا ءۇيى، حالىقارالىق اۋەجاي مەن ءبىر وقۋ ورنىندا تەكسەرۋ جۇمىستارى جالعاسۋدا.