بيلىك كازينونى قايتا زاڭداستىرۋعا نيەتتى - قىرعىزستان

نۇر- سۇلتان. قازاقپارات - قىرعىز بيلىگى كازينونى قايتا اشۋدى قولعا الماق. بۇل تۋرالى ۇكىمەت باسشىسى اقىلبەك جاپاروۆ مالىمدەدى، دەپ حابارلايدى «حابار 24».

ونىڭ ايتۋىنشا، وسىلاي بيۋدجەتكە قوسىمشا 2 ميلليارد سوم، ياعني 30 ميلليون دوللار تۇسىرۋگە بولادى. ەكونوميكا مينيسترلىگى كازينو، بۋكمەكەرلىك ورتالىقتار مەن ويىن زالدارىن زاڭداستىرۋ تۋرالى قۇجاتتى قوعامدىق تالقىلاۋعا شىعاردى.

بۇل سالاعا حالىقتىڭ نارازىلىعىنان كەيىن 2012 -جىلى تيىم سالىنعان ەدى. ول كەزدە قۇمار ويىنعا تاۋەلدى ادامدار كوپتەگەن وتباسىنىڭ قاسىرەتىنە اينالعان بولاتىن. دەپۋتاتتار كازينونى قايتا اشۋ تۋرالى يدەيانى بىلتىر ۇسىنا باستادى. تەك قۇمار ويىن ورتالىقتارىن ىستىق كول جاعاسىندا ورنالاستىرۋ كەرەك - دەيدى ساياساتكەرلەر. ءبىراق دەپۋتاتتاردىڭ ۇسىنىسى ول جولى قولداۋ تاپپاعان.

www.24.kz