شانحاي وميكرونمەن كۇرەسىپ جاتىر

نۇر- سۇلتان. قازاقپارات - شانحايدا حۋانپۋ وزەنىنىڭ شىعىس بولىگىندەگى حالىقتى جاپپاي تەستىلەۋ اياقتالىپ كەلەدى، دەپ حابارلايدى «حابار 24».

وسى اۋماقتاعى 9 ميلليون تۇرعىننىڭ كەيبىرى اناليزدى 2 رەت تاپسىرىپ جاتىر. ەرتەڭ داريانىڭ باتىس بولىگىندە تۇراتىن ادامداردى تەكسەرۋ باستالادى. بۇل اۋداندا 16 ميلليونعا جۋىق ادام تۇرادى. جەرگىلىكتى بيلىكتىڭ مالىمەتى بويىنشا شاھارداعى ەپيدجاعداي كۇردەلى. سوڭعى 2 كۇن بويى تاۋلىگىنە 6 مىڭداي ناۋقاس تىركەلگەن، كوبىنىڭ اۋرۋى سيمپتومسىز.

وميكرون شتامىن جۇقتىرۋشىلار كۇرت كوبەيىپ، مەديتسينا قىزمەتكەرلەرى جەتىسپەي جاتىر. اۋرۋدىڭ جەڭىل تۇرىنە شالدىققان تۇرعىنداردى ەمدەۋ ءۇشىن كورمە ورتالىعىندا ۋاقىتشا اۋرۋحانا اشىلدى. سونداي- اق قالاعا كورشى ايماقتاردان ازىق- تۇلىك شۇعىل جەتكىزىلىپ جاتىر.