سۇلتان زاۋىربەكتىڭ تيتۋلدىق ايقاسى رەسمي جاريالاندى

نۇر- سۇلتان. قازاقپارات - MTK Global Boxing پروموۋتەرلىك كومپانياسى قازاقستاندىق سۇلتان زاۋىربەكتىڭ (12-0, 8 ك و) ەكىنشى جارتىلاي جەڭىل سالماقتاعى WBO تيتۋلى ءۇشىن ايقاسىن رەسمي مالىمدەدى، دەپ حابارلايدى قازاقپارات ۆكونتاكتەدەگى قازاقستاننىڭ كاسىبي بوكسى پاراقشاسىنا سىلتەمە جاساپ.

قازاقستاندىق بوكسشىنىڭ قارسىلاسى - مالتالىق حايتەم لاامۋز (17-1، 7 ك و). جەكپە- جەك لوندونداعى York Hall ارەناسىندا 15-ساۋىردە وتەدى. زاۋىربەك 2021 -جىلدىڭ شىلدەسىندە جەڭىپ العان WBO European تيتۋلىن ەكىنشى رەت قورعايدى.

«سۇلتان زاۋىربەك كەلەسى ايدا قاۋىپتى قارسىلاس حايتەم لاامۋزاعا قارسى WBO تۇجىرىمى بويىنشا جارتىلاي جەڭىل سالماقتاعى ەۋروپا چەمپيونى تيتۋلىن قورعايدى»، - دەپ جازدى كومپانيانىڭ باسپا ءسوز قىزمەتى. ⠀

ايتا كەتەيىك، 2021 -جىلدىڭ جەلتوقسانىندا سۇلتان بريتاندىق بوكسشى رايان ۋيللەردى التىنشى راۋندتا تەحنيكالىق نوكاۋتپەن جەڭىپ، تيتۋلىن قورعاعان ەدى.