قازاقستان حالقى اسسامبلەياسىنىڭ وتىز ءبىرىنشى سەسسياسى شاقىرىلدى
19:05, 29 - ناۋرىز 2022
نۇر- سۇلتان. قازاقپارات - پرەزيدەنت قاسىم- جومارت توقايەۆ قازاقستان حالقى اسسامبلەياسىنىڭ وتىز ءبىرىنشى سەسسياسىن شاقىرۋ تۋرالى جارلىققا قول قويدى.
سەسسيا 29- ساۋىردە نۇر- سۇلتان قالاسىندا وتەدى، دەپ حابارلايدى اقوردانىڭ باسپا ءسوز قىزمەتى.
قازاقستان حالقى اسسامبلەياسىنىڭ وتىز ءبىرىنشى سەسسياسىن شاقىرۋ تۋرالى
1. قازاقستان حالقى اسسامبلەياسىنىڭ وتىز ءبىرىنشى سەسسياسى 2022 -جىلعى 29- ساۋىردە نۇر- سۇلتان قالاسىندا «ەل بىرلىگى - جاڭارعان قازاقستاننىڭ تىرەگى» كۇن تارتىبىمەن شاقىرىلسىن.
2. قازاقستان رەسپۋبليكاسىنىڭ ۇكىمەتى قازاقستان حالقى اسسامبلەياسىنىڭ وتىز ءبىرىنشى سەسسياسىن وتكىزۋدى ۇيىمداستىرۋ جونىندە شارالار قابىلداسىن.
قازاقستان رەسپۋبليكاسىنىڭ پرەزيدەنتى ق. توقايەۆ
نۇر- سۇلتان، اقوردا، 2022 -جىلعى 29- ناۋرىز № 295