سونداي- اق ەلىمىزدىڭ كورنەكتى قايراتكەرلەرى تۋرالى ءدارىس تىڭداپ، مۇراجايلاردى ارالاي الادى، دەپ حابارلايدى قازاقپارات نۇر- سۇلتان اكىمدىگىنىڭ رەسمي سايتىنا سىلتەمە جاساپ.
ەلوردادا مەرەكەلىك تەاتر كەشى وتەدى مەملەكەتتىك اكادەميالىق ورىس دراما تەاترى وسى اپتادا ءۇش قويىلىم ۇسىنادى: 29-جانە 30-ناۋرىزدا ساعات 19:00 دە ا. كاسوننىڭ «ديكار. ترەتە سلوۆو»؛ 2 ساۋىردە ساعات 11:00-دە ا. بولدينوۆتىڭ «پريكليۋچەنيا ايستەنكا» ەرتەگىسى؛ سول كۇنى ساعات 18:00-دە ا. وستروۆسكيدىڭ «گروزا» دراماسى.
29 -ناۋرىز كۇنى ساعات 18:00-دە ە. راحماديەۆ اتىنداعى مەملەكەتتىك اكادەميالىق فيلارمونيا ساحناسىندا «الەم» ەسترادالىق بي ءانسامبلى ونەر كورسەتەدى. 31 -ناۋرىز كۇنى ساعات 19:00-دە «استانا» كونسەرت زالىندا «ۆ پوتوكە ۆرەمەني» ىشەكتى اسپاپتار كۆارتەتىنىڭ كونتسەرتى وتەدى.
2 -ءساۋىر كۇنى كەشكە ەلوردالىق فيلارمونيا ۇرمەلى اسپاپتار وركەسترى مەن «كومپيۋتەرلىك ويىنداردىڭ ساۋندترەكتەرى» كامەرالىق حورىنىڭ مۋزىكالىق كەشىن ۇيىمداستىرادى.
2 -جانە 3 -ءساۋىر كۇندەرى ساعات 16:00-دە استانالىق تسيرك جۇرتشىلىقتى الماتى مەملەكەتتىك تسيركىنىڭ «ەXCENTRIKO» باعدارلاماسىنا شاقىرادى. «جاستار» تەاترى كورەرمەندەرگە ەكى قويىلىم ازىرلەپ وتىر: 29-31-ناۋرىز ارالىعىندا - ق. ءجۇنىسوۆتىڭ «پرانك ماحاببات» كومەدياسىن، 2-جانە 3-ساۋىردە - ءى. ەسەنبەرليننىڭ «عاشىقتار» دراماسىن ۇسىنادى.
قۋىرشاقتار تەاترىندا 28-31-ناۋرىز كۇندەرى «ناۋرىز- دۋمان» قۋىرشاقتار شوۋى وتكىزىلەدى، 1-3-ءساۋىر ارالىعىندا گ. ح. اندەرسەننىڭ «كىشكەنتاي سۋ پەرىسى» ەرتەگىسىن تاماشالاۋعا بولادى.
31-ناۋرىز بەن 1-ساۋىردە مۋزىكالىق جاس كورەرمەن تەاترى «تابىستى ورىن» كومەدياسىن، ال 3 -ساۋىردە «ماحاببات - جۇرەك» مۋزىكالىق- پوەتيكالىق سپەكتاكلىن كورسەتەدى.
Nomad City Hall ساحناسىندا 1-جانە 2-ساۋىردە ش. ايتماتوۆتىڭ «بوراندى بەكەت» پرەمەراسىن ۇسىنادى. نۇر- سۇلتان قالاسىنىڭ بىرىككەن مۋزەيلەر ديرەكتسياسى دا وسى اپتادا كوپتەگەن ءىس- شارا جوسپارلاپ وتىر. ولاردىڭ باسىم بولىگى كوبىرەك كورەرمەن جيناۋ ءۇشىن ونلاين فورماتتا ۇيىمداستىرىلادى. 28-ناۋرىزدا الجير تۇتقىندارىن ەسكە الۋعا ارنالعان كورمە وتەدى. 1-ساۋىردە «اتامەكەن» قازاقستان كارتاسى» ەتنو- مەموريالدىق كەشەنىنىڭ اككاۋنتتارىندا تانىمال قازاقستاندىق ءانشى روزا باعلانوۆانىڭ 100 جىلدىق مەرەيتويىنا ارنالعان «تابيعات سىيلاعان دارىن» اتتى ءدارىس وتەدى.
1-ساۋىردە ديرەكتسيا «سول قاندى ۋاقىتتا» كورمەسىن، ال 3-ساۋىردە «تاعدىردى بايلانىستىراتىن ءجىپ» ەكسپوزيتسياسىن ۇيىمداستىرادى. 30-ناۋرىزدا ساكەن سەيفۋللين مۋزەيىندە ءداستۇرلى تۇردە ونلاين ەكسكۋرسيا، 31-ناۋرىزدا «ساكەن جانە راحيما حالفينا» اتتى زەرتتەۋ- ماقالا جاريالانادى. ەلوردا كىتاپحانالارى اپتا بويى اتاۋلى كۇندەرگە ورايلاستىرىلعان كىتاپ كورمەلەرىن، وقۋ ساعاتتارىن، كەزدەسۋلەردى، ادەبيەتتەرگە شولۋلار مەن اشىق ەسىك كۇندەرىن وتكىزەدى. قالا تۇرعىندارى مەن قوناقتارىن مادەني ءىس- شارالارعا شاقىرامىز.