قازاقستاندا كوروناۆيرۋس جۇقتىرعانداردى ەمدەيتىن ستاتسيونارلار بىرتىندەپ بوساپ جاتىر

وكپەسىنىڭ 40 پايىز زاقىمدانۋىمەن مودۋلدىك اۋرۋحاناعا تۇسكەن 70 جاستاعى ساۋلە جولدىبايەۆا مەديتسينا قىزمەتكەرلەرىنىڭ كومەگىمەن دەرتىنە داۋا تاۋىپ، اۋرۋىنان قۇلان تازا ايىعىپ شىقتى، دەپ حابارلايدى قازاقپارات سانيتاريالىق - ەپيدەميولوگيالىق باقىلاۋ كوميتەتىنىڭ باسپا ءسوز قىزمەتىنە سىلتەمە جاساپ.

ال ەلىمىزدىڭ باسقا وڭىرلەرىندەگى احۋال قانداي؟!

تۇركىستان وبلىسىندا كوروناۆيرۋس ينفەكتسياسى بويىنشا ەپيدەميولوگيالىق جاعداي تۇراقتى. وڭىردە ينفەكتسيالىق ستاتسيونارلاردا 809 توسەك-ورىن جاساقتالعان، دەگەنمەن قازىرگى ۋاقىتتا بارلىعى بوس، ويتكەنى COVID-19 دياگنوزىمەن اۋىرعان بىردە-ءبىر ناۋقاس جوق.

ەلىمىزدىڭ باتىس ايماعىنداعى اۋرۋ جۇقتىرۋ كورسەتكىشتەرى دە قالىپتى.

اقتوبە وبلىسىنىڭ ينفەكتسيالىق ستاتسيونارىندا 5 ناۋقاس ەمدەلىپ جاتىر، باتىس قازاقستان وبلىسىندا-3، ماڭعىستاۋ وبلىسىندا - 6 ناۋقاس ەم قابىلداپ جاتىر.

قىزىلوردا وبلىسىندا 10 پاتسيەنت، شىمكەنتتە - 12، اقمولا وبلىسىندا - 14، پاۆلودار مەن قاراعاندى وبلىستارىندا- 26، نۇر-سۇلتاندا- 30، جامبىل وبلىسىندا - 35، شىعىس قازاقستان وبلىسىندا - 40، سولتۇستىك قازاقستان وبلىسىندا - 38، الماتى قالاسىندا - 49 ادام ستاتسيونارلىق ەم قابىلداپ جاتىر.

ەمدەلۋشىلەردىڭ ەڭ كوبى الماتى وبلىسىنىڭ كوۆيدتىك اۋرۋحانالارىندا جاتىر - 88 ناۋقاس.

كوروناۆيرۋس ينفەكتسياسىنان قورعانۋدىڭ ەڭ ءتيىمدى جولى - اۋرۋدىڭ الدىن الۋ.

«ەگەر ءاربىر ازامات ۇجىمدىق يممۋنيتەت قالىپتاستىرۋ ءۇشىن ۆاكتسيناتسيا قارقىنىن تومەندەتپەي، ريەۆاكسيناتسيادان ۋاقىتىلى ءوتۋدى جالعاستىراتىن بولسا، اۋرۋحانالارىندا بىردە-ءبىر ناۋقاس قالماعان اتىراۋ مەن تۇركىستان وبلىستارىنداعىداي جاعداي ەلىمىزدىڭ وزگە دە ايماقتارىندا قالىپتاسۋىنا ۇلەس قوسقان بولار ەدى.