باتكەن وبلىسى ىشكى ىستەر باسقارماسىنىڭ Facebook-تەگى مالىمەتىنشە، 27-ناۋرىزدا اۋرۋحانادان وبلىستىق پوليتسيا باسشىسىنىڭ ورىنباسارى پىشاق جاراقاتىن العانى تۋرالى حابارلاما كەلىپ تۇسكەن. بەلگىسىز ادامدار ونى Honda Odyssey ماركالى كولىگىمەن اكەلگەن.
Turmush پورتالىنىڭ مالىمەتتەرى بويىنشا، اسقار-ءالى مۇحاماديەۆ بۇرىن سوتتالعان تۋىسقانىمەن بىرگە بولعان. ولاردىڭ اراسىندا جانجال تۋىنداعان. ءسويتىپ، ەر ادام پودپولكوۆنيككە بىرنەشە پىشاق جاراقاتىن سالعان. ناتيجەسىندە، ول كوپ قان جوعالتىپ، قايتىس بولعان.
باتكەن وبلىستىق ىشكى ىستەر باسقارماسىنىڭ باسپا ءسوز قىزمەتى وكىلى كۇدىكتى مارقۇمنىڭ 34 جاستاعى تۋىسى ەكەنىن راستادى. كەيىن باتكەن وبلىسىنىڭ ميليتسياسى كىسى ولىمىنە قاتىستى كۇدىكتىنى ۇستادى.