تابىلعان ءسوز
07:45, 28 - ناۋرىز 2022
نۇر-سۇلتان.قازاقپارات - ەرتەدە ءبىر قايىرىمدى ساۋداگەر ساراڭ ءبىر كىسىنىڭ قۇدىعىن ساتىپ الادى. ماقساتى قۇدىق سۋىن كەدەيلەرگە ساداقا قىلماق ەكەن. ەرتەڭىنە سۋعا كەلسە، قۇدىقتىڭ بۇرىنعى يەسى جولىن كەس- كەستەيدى.
ارام ويمەن: «مەن ساعان قۇدىق ساتقانىممەن ىشىندەگى سۋىن ساتقان جوقپىن. ەگەر سۋ العىڭ كەلسە، وندا ونىڭ اقشاسىن تولە»— دەيدى. وعان ساۋداگەر سوزدەن توسىلماي: «ماعان قۇدىقتىڭ ءوزىن عانا ساتقان بولساڭ، وندا ونىڭ ىشىنە سۋ قالدىرۋعا حاقىڭ جوق. سۋدىڭ ءبارىن الىپ كەت نەمەسە قۇدىعىمدى جالعا الىپ، اقشاسىن تولە»، — دەيدى.
سوزدەن جەڭىلگەن ساراڭ اۋزىنا قۇم قۇيىلىپ، ارام ويىن ىسكە اسىرا الماعان ەكەن.