مەملەكەت باسشىسىنىڭ اتىنا العىس ايتۋ كۇنىنە وراي تۇرعىندار حاتتارى ءالى دە كەلىپ جاتىر
18:11, 27 - ناۋرىز 2022
نۇر- سۇلتان. قازاقپارات- ق ر پرەزيدەنتى قاسىم - جومارت توقايەۆتىڭ اتىنا العىس ايتۋ كۇنى اياسىندا ەل تۇرعىندارىنان ريزاشىلىق حاتتارى ءالى دە كەلىپ تۇسۋدە، دەپ حابارلايدى قازاقپارات اقوردانىڭ رەسمي telegram-كانالىنا سىلتەمە جاساپ.
سولاردىڭ ءبىرى نۇر- سۇلتان قالاسىنان 2-سىنىپ وقۋشىسى ديلناز بيمانوۆادان كەلدى. ول ءوز حاتىندا ءبىلىم الىپ، ءتىل ۇيرەنۋ ءۇشىن قازاقستاندا شەت ەلدەردەگىدەي ۇلگىدەگى مەكتەپتەردىڭ سالىنۋىنا ىقپال ەتكەنى ءۇشىن العىس ايتقان. ايتا كەتكەن ءجون، 1-ناۋرىزدا مەملەكەت باسشىسى ق ر پرەزيدەنتى قاسىم- جومارت توقايەۆ قازاقستان حالقىن العىس ايتۋ كۇنىمەن قۇتتىقتاعان بولاتىن.