بۇل تۋرالى ەلىمىزدىڭ ەنەرگەتيكا ءمينيسترى بولات اقشولاقوۆ بۇگىن ورتالىق كومۋنيكاتسيالار قىزمەتىندەگى بريفينگتە مالىمدەدى. سونىڭ ارقاسىندا مۇناي ءوندىرۋ كولەمىن تۇراقتاندىرۋ مۇمكىن بولادى. قالعان ەكى ايلاق 2-3 اپتادا جوندەۋدەن وتكىزىلمەك.
ەستەرىڭىزگە سالايىق، قارا تەڭىزدەگى داۋىلدىڭ سالدارىنان كونسورتسيۋمنىڭ №3-ايلاعىندا اپات بولعان. ەكىنشى قۇرىلعىدان دا اقاۋ تابىلدى. زەرتتەۋ جۇرگىزۋ ءۇشىن ساراپشىلار بۇكىل 3 ايلاقتى ىستەن شىعارۋ تۋرالى شەشىم قابىلدادى.
بولات اقشولاقوۆ ق ر ەنەرگەتيكا ءمينيسترى:
- ەلىمىزدىڭ كەن ورىندارى بىرنەشە كۇن رەزەرۆۋارلىق پارككە جۇمىس ىستەي الادى. ەگەر نوۆوروسسييسك پورتىندا ايلاق قۇرىلىعىسىن جوندەۋ ۇزاققا سوزىلسا، 3 ءىرى كەن ورنىندا مۇناي ءوندىرىسى ايتارلىقتاي ازايادى. ءبىز كاسپي قۇبىر كونسورتسيۋمىنداعى ارىپتەستەرىمىزبەن سويلەسىپ، بۇگىن ايلاقتىڭ ءبىرى ىسكە قوسىلاتىنىن بىلدىك. ەندى الداعى 2-3 اپتادا قالعان قۇرىلعىلار دا جۇمىسىن باستايدى دەگەن سەنىمدەمىز.