ق ر ەنەرگەتيكا ءمينيسترى بولات اقشولاقوۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي مالىمەت ايتتى، دەپ حابارلايدى قازاقپارات ءتىلشىسى.
«الەم بويىنشا اتوم ەنەرگەتيكاسىنىڭ تەحنولوگياسى رەسەيدە عانا ەمەس. ا ق ش- تا، ەۋروپادا، اسىرەسە فرانسيادا جاقسى دامىعان. جاپونيانىڭ امەريكامەن بىرلەسكەن كاسىپورىنى بار. وڭتۇستىك كورەيادا، قىتايدىڭ وزىندە دە دامىپ جاتىر. سول سەبەپتى بۇل سۇراقتى ءالى زەرتتەپ قاراعان جوقپىز. قازىر اتوم ستانساسىن قاي جەرگە ورنالاستىرۋ، وعان سۋ جاعىنان، تەكتونيكا جاعىنان، جەر سىلكىنىسى بولمايتىن جەردى تاڭداۋ بويىنشا جۇمىس ءجۇرىپ جاتىر. ال تەحنولوگيالار - ەكىنشى كەزەڭدەگى سۇراق. قاي تەحنولوگيامەن جۇمىس ىستەيتىنىمىز تۋرالى ناقتى جاۋاپ جوق»، - دەگەن مينيستر رەسەيلىك «روس اتوممەن» بەكىتىلگەن مەموراندۋمنىڭ مازمۇنىنا توقتالدى.
«ءبىز وسى جىلدا رەسەيلىك «روس اتوممەن» مەموراندۋمعا قول قويدىق. بۇل تەك كادر دايىنداۋ ءۇشىن. بىزدە وكىنىشكە قاراي، اتوم سالاسىنىڭ ماماندارىن دايارلايتىن وقۋ ورىندارى جوق. ەگەر ا ە س سالاتىن بولساق، ارينە، ەرتەڭ وندا جۇمىس ىستەيتىن ادامدار، ماماندار كەرەك. قازىر سونى دايارلاۋ كەرەك. ءبىر ستانساعا 2000-دەي ادام كەرەك، مىسالى. ول تەك قانا جۇمىسشىلار ەمەس، جاقسى دەڭگەيدە دايىندىقتان وتكەن ماماندار بولۋعا ءتيىس. ولاردى 4-5 جىل وقىتۋ كەرەك. ودان كەيىن ولار 2 جىلداي تاجىريبەدەن وتەدى»، - دەدى ۆەدومستۆو باسشىسى.
اۆتور: ەسىمجان ناقتىباي