دەنە تاربيەسى جايلى ناقىل سوزدەر

نۇر-سۇلتان. قازاقپارات - دەنە شىنىقتىرىپ، سپورتپەن اينالىسۋ كەرەگىن، تىم بولماعاندا، جاياۋ ءجۇرىپ سەرۋەندەپ، بوي مەن ارقا جازۋدىڭ پايدالى ەكەنىن كوبىمىز بىلەمىز. ءبىراق ونى قولعا الۋدى قۇپتاماي جاتامىز.

ەندەشە، ويعا قۋات، ىسكە موتيۆاتسيا بولسىن دەپ دەنە تاربيەسى جايلى ايتقان تانىمال تۇلعالاردىڭ دانالىق، ناقىل سوزدەرىن ۇسىنىپ وتىرمىز. ولاردىڭ دانالىعىنا قاراپ تاريحتا اتى قالۋىنا دەنە تاربيەسى دە اسەر ەتكەنىن تۇسىنۋگە بولادى.

دەنە شىنىقتىراتىن جاتتىعۋلارىمەن شۇعىلدانساڭ، دارىگە پىسقىرىپ تا قارامايسىڭ.

ءابۋ يبن سينا

قوزعالىستان قالعان ادامنىڭ دەنەسى قۇرساپ، كۇش-قۋاتى ازايادى، تەز ارىقتايدى.

ءابۋ يبن سينا

ءماۋىتشى شۇعانى تازالاعانى سىندى گيمناستيكا دا ادام اعزاسىن تازالايدى.

گيپپوكرات

گيمناستيكا دەگەنىمىز - ەمدەلۋ.

پلاتون

مەن قيمىل-قوزعالىس ارقىلى دەنەمدى تەپە-تەڭدىككە كەلتىرگىم كەلەدى.

سوكرات

قاناعاتشىلدىق پەن جاتتىعۋ قارتايعان شاقتىڭ وزىندە دە كۇش-قۋاتىڭدى ساقتاۋعا مۇمكىندىك بەرەدى.

تسيتسەرون

بۇكىل دەنەمدى گيمناستيكا ارقىلى تۇرلاۋلى قالىپقا كەلتىرگىم كەلەدى.

سوكرات

جاتتىعۋ ارقىلى جان تىلەگەننىڭ ءبارىن جاساۋعا بولادى.

پەرياندر

قيمىل - اس قورىتۋعا، قان اينالىمىنىڭ جاقسارۋىنا كومەكتەسەدى، اۋرۋدىڭ الدىن الادى.

حۋا تو

جاياۋ جۇرسەم، ويىمدى جيناقتاپ، جاڭا يدەيالارعا شابىت الامىن. ال تىرپ ەتپەي وتىرعانىم ويلاۋدان قالعانىممەن بىردەي. دەنەمنىڭ قيمىلداعانى ءجون، سوندا اقىل دا العىر بولادى.

ج. رۋسسو

دەنە شىنىقتىرۋ - قارتايۋمەن كۇرەس، وعان قارسى تۇرار قۋاتتى قۇرال، بىلايشا ايتقاندا، جاسارۋ قۇرالى.

ۆ. يلين

قيمىل دەگەنىمىز - ءومىر. گيمناستيكا مەن تازا اۋادا جۇمىس ىستەۋ - دەنساۋلىق كەپىلى.

جوردي

سەرۋەندەسەم، شومىلسام، جاسارا تۇسكەنىمدى، دەنە قيمىلىم ارقىلى ميىمدى تىنىقتىرىپ، سەرگىگەنىمدى سەزەمىن.

ك. ە. تسيولكوۆسكي

دەنەسىن جاتتىقتىرۋ ارقىلى ادام دەنى ساۋ، ءتوزىمدى، ەپتى بولماق، اقىل-ويىڭدى، ەركىڭدى وسىلاي شىڭداۋ قاجەت.

م. گوركي

دۇرىس جولعا قويىلعان دەنە شىنىقتىرۋ ويىندارى وقۋ-ءبىلىم الۋعا بوگەت ەمەس، قايتا بويدى سەرگىتىپ، ويىنا جاردەم ەتەتىن نارسە.

ع. مۇسىرەپوۆ

گيمناستيكا كىسىنىڭ جاستىق شاعىن ۇزارتادى.

د. لوكك

سپورت - ءبىزدىڭ تىنىسىمىز.

ر. رايت

قارشادايىمنان سپورتقا جاقىن بولماسام، عارىشكەر بولماس ەدىم.

گ. س. تيتوۆ

قوزعالىس كەز كەلگەن ءدارىنىڭ ورنىن باسا الادى.

تيسسو

جاياۋ جۇرەم دەگەنشە - ۇزاق ءومىر سۇرەم دە.

جۇگى اۋىر بولسا دا،

جۇرەككە ءتاۋىر.

ورىس ماقالى

جاتتىعۋ جاساعان ادام مەديتسيناسىز-اق ەمدەلە الادى.

د. ادديسون

قازىر جۇگىرمەسەڭ، اۋىرعاندا جۇگىرۋگە تۋرا كەلەدى.

گورەتسي

باسىما قۇندى ويلار مەن ونى جەتكىزۋدىڭ كوركەم تاسىلدەرى جاياۋ جۇرگەن كەزدە كەلەدى.

گەتە

ەستە ساقتاۋ مەن جۇيكە جۇيەسىنىڭ ساۋلىعىن ويلاساڭىز، فيزيكالىق جاتتىعۋ ءجيى جاساۋ قاجەت.

ك. د. ۋشينسكي

massaget.kz