كەزدەسۋ بارىسىندا قازاقستاندىق ديپلومات بەلگيانىڭ تەڭىز تەرمينالىنىڭ باسشىلىعى مەن وپەراتورلارىنا باتىس ەلدەرىنىڭ سانكسيالارىنا جاتپايتىن قازاقستاندىق جۇكتەردى كەمسىتپەۋگە شاقىردى.
انتۆەرپەن پورتى باسشىلىعىنىڭ ايتۋىنشا، ازىرگە قازاقستاندىق جۇكتەردى اۋىستىرىپ تيەۋدى توقتاتۋ جاعدايلارى تىركەلمەگەن. سونىمەن قاتار، ە و ينستيتۋتتارى مەن بەلگيا فەدەرالدى ۇكىمەتىنىڭ قازاقستاندىق جۇكتەردى بۇعاتتاۋ تۋرالى شەشىمدەرى جوق.
حالىقارالىق انتۆەرپەن تەڭىز پورتىنىڭ ۆيتسە-پرەزيدەنتى ل. ارنوۋتس انتۆەرپەن پورتىندا جۇمىس ىستەيتىن تەڭىز وپەراتورلارىنا قازاقستاندىق جۇكتەرگە قاتىستى شەكتەۋ شارالارىنىڭ جوقتىعى تۋرالى قوسىمشا حابارلايتىنىنا سەندىردى.
بەلگيانىڭ انتۆەرپەن تەڭىز پورتى الەمدەگى ەڭ ۇلكەن 20 پورتتىڭ ءبىرى جانە ەۋروپالىق وداقتا 2- (نيدەرلاندىداعى روتتەردام پورتىنان كەيىن) بولىپ تابىلادى. پورت 13000 گ ا جەردى، 1100 ك م تەمىر جولدى الىپ جاتىر. پورتتا 143 مىڭعا جۋىق جۇمىس ورنى بار جانە 1000 كومپانيا جۇمىس ىستەيدى، ونداعى بەلگيانىڭ ج ءى ءو ۇلەسى %4,1 قۇرايدى.