الماتى دۇكەندەرىنە تىكەلەي تۇركىستان وبلىسىنان قىرىققابات جەتكىزىلەتىن بولدى
كوشپەلى كەڭەس بارىسىندا تاراپتار تۇركىستان وبلىسىنىڭ سارىاعاش، كەلەس جانە سايرام اۋداندارىنداعى شارۋاشىلىق قوجالىقتاردى بارىپ كوردى. قول جەتكەن كەلىسسوز شەڭبەرىندە 15 -ساۋىردەن باستاپ 15 -مامىرعا دەيىن الماتىنىڭ ساۋدا جەلىلەرىنە تىكەلەي شارۋاشىلىق القاپتارىنان كەلىسىن 140 تەڭگەدەن 550 توننا («ماگنۋم» ساۋدا جەلىسىنە - 300 توننا، «سمولل» ساۋدا جەلىسىنە - 200 توننا، «تويمارت» ساۋدا جەلىسىنە - 50 توننا) قىرىققابات جەتكىزىلەدى.
بۇل رەتتە سورەدەگى بولشەك ساۋدا باعاسى ءبىر كەلى - شامامەن 185 تەڭگە. سونداي- اق، مەموراندۋمعا سايكەس، ماۋسىم ايىنان باستاپ ەگىس القابىندا وسىرىلگەن قىرىققاباتتىڭ شامامەن 2 مىڭ تونناسى ۇزدىكسىز جەتكىزىلەدى.
«قابىلدانعان شارالار قىرىققاباتتىڭ باعاسىن ۇستاپ تۇرۋعا، الەۋمەتتىك ماڭىزى بار ونىمگە باعانىڭ نەگىزسىز وسۋىنە جول بەرمەۋگە مۇمكىندىك بەرەدى»، - دەپ حابارلادى الماتى قالاسى اكىمدىگىنەن.