رەسەيدەن قازاقستانعا استىق پەن قانتتىڭ ءىرى پارتياسى كىرگىزىلمەدى
«سامارا كەدەنشىلەرى قازاقستانعا تەمىرجول ارقىلى 488 تونناعا جۋىق بيداي مەن 67 توننا قانتتى زاڭسىز اكەتۋ ارەكەتىنىڭ جولىن كەستى»، دەلىنگەن حابارلامادا.
حابارلامادا كورسەتىلگەندەي، ورىنبور وبلىسىنىڭ يلەتسك-1 تەمىرجول ستانتسياسىندا كەدەنشىلەر تاسىمالداۋعا تىيىم سالىنعان جەتى ۆاگون استىق پەن ءبىر ۆاگون قانتتى تاپتى. تاۋار جىبەرۋشىگە قايتارىلماق. 15-ناۋرىزدان باستاپ ءداندى- داقىلدار مەن قانتتى رەسەيدەن ەكسپورتتاۋعا تىيىم سالدى. استىقتى اكەتۋگە سالىنعان تىيىم 2022 -جىلعى 30-ماۋسىمعا دەيىن، قانتقا - 2022 -جىلعى 31-تامىزعا دەيىن قولدانىلادى. سامارا كەدەنى شەكتەۋلەر ەنگىزىلگەننەن بەرى رۇقساتسىز جۇك تاسىمالداعان 21 جۇك كولىگىن انىقتادى. ونىڭ ىشىندە 20 توننا ارپا، 26 توننا تۇرمىستىق تەحنيكا، 7,5 توننا اۆتوكولىك بولشەكتەرى، 36 توننا ترانسفورماتورلار مەن ولاردىڭ قۇرامداس بولىكتەرى، قوعامدىق تاماقتانۋ ورىندارىنىڭ تەحنولوگيالىق جابدىقتارى بار ەكەن.
Tengrinews.kz