قارجىلىق ساراپشى ارمان بەيسەنبايەۆ وسىنداي پىكىردە. ونىڭ ايتۋىنشا، قازىردىڭ وزىندە ەلدەگى رەسەيلىك بانكتەردىڭ كليەنتتەرى ازايىپ جاتىر. ولار ءوز سالىمدارىن رەسپۋبليكاداعى وزگە جەتەكشى قارجى ۇيىمدارىنا اۋدارا باستاعان.
دەسە دە رەسەيلىك بانكتەردىڭ قىزمەت كورسەتۋى تاراپىنان ەشقانداي كەدەرگى جوق. اكتيۆتەرىنىڭ قورى 16 تريلليون 700 ميلليارد تەڭگەگە جەتەدى. بۇل ەڭ از شەكتى سومادان 4 ەسە كوپ. قارجى نارىعىن رەتتەۋ جانە دامىتۋ اگەنتتىگى دە ەلدەگى رەسەيلىك بانك بولىمشەلەرى قالىپتى جۇمىس ىستەپ تۇرعانىن ايتتى.
ايتا كەتۋ كەرەك، مۇنداعى دەپوزيتتەر دە قازاقستاننىڭ دەپوزيتكە كەپىلدىك بەرۋ قورى ارقىلى قورعالعان. دەسە دە سبەربانكتەVisa جانە Mastercard ارقىلى قارجى اۋدارىمدارىن جاساۋدا كەدەرگىلەر پايدا بولا باستادى. بۇعان دەيىن ВТБ بانكىندە دە وسىنداي شەكتەۋلەر بولعان. ياعني بۇل بانكتەردىڭ كارتاسىن قولدانۋشىلار قارجى وپەراتسيالارىن تەك سول بانكتىڭ ءوز ىشىندە عانا جاساي الادى. وزگە بانكتەرگە اۋدارىم جاساۋ، نەمەسە قارجىنى وزگە بانكتىڭ بانكوماتىنان شەشۋ شەكتەلگەن.
ارمان بەيسەنبايەۆ، قارجىلىق ساراپشى:
- مەنىڭ بىلۋىمشە، قازىردىڭ وزىندە قارجىلىق وپەراتسيالاردى جاساۋدا كەدەرگىلەر بار. سۋيفت جۇيەسى Visa جانە Mastercard بولماسا بۇل بانكتەردىڭ قاشانعا دەيىن شىدايتىنى بەلگىسىز. سوندىقتان بانكتەردىڭ كارتاسىن پايدالانۋ قاۋىپتى دەپ ويلايمىن. قارجى ۇيىمدارى ەلدە رۋبل، تەڭگە، يۋان ارقىلى ترانزاكسيا جاسايتىن شاعىن بولىمشەلەرىن عانا قالدىرىپ، ەل نارىعىنان كەتۋى ىقتيمال. ال دوللار جانە ەۋرومەن ولار ازىرگە جۇمىس ىستەي المايدى.
www.24.kz