قۇجاتقا سايكەس، سيمپتومدارى جەڭىل ناۋقاستار ورتالىقتاندىرىلعان كارانتينگە جىبەرىلەدى. بۇدان شىققان سوڭ ولار ۇيدە 7 كۇنگە وقشاۋلانادى. بۇعان دەيىن اۋىرعاندار اۋرۋحاناعا جاتقىزىلىپ، تاعى 2 اپتا كارانتيندە بولعان ەدى.
ساراپشىلاردىڭ ايتۋىنشا، بۇل شەشىمگە بىرنەشە سەبەپ بار. بىرىنشىدەن، «وميكرون» شتامىنان جازىلۋ تەز، ەكىنشىدەن، قىتاي حالقىنىڭ 90 پروتسەنتكە جۋىعى تولىق ۆاكسينا سالدىرىپ ۇلگىرگەن. الايدا بۇل شەتەلدەن ۆيرۋس اكەلۋگە جول بەرمەۋ، بەلگىلەرىن ەرتە انىقتاۋ جانە ناۋقاستار مەن ولارمەن بايلانىستا بولعانداردىڭ ءجۇرىس- تۇرىسىن باقىلاۋ، كارانتينگە جاتقىزۋ، جاپپاي تەستىلەۋ ساياساتى جەڭىلدەيدى دەگەندى بىلدىرمەيدى. بۇل كوروناۆيرۋسپەن كۇرەسكە عىلىمي جاعىنان كەلۋ دەگەن ءسوز.
ساراپشىلاردىڭ سوزىنە ءبىر مىسال. شاڭحايدا تۇرعىندار ءوزىن 2 كۇنگە وقشاۋلايدى، شەنجەندە 20 -ناۋرىزعا دەيىن بارلىق كومپانيالار، ءوندىرىس ورىندارى جابىلدى. ادامدار مۇمكىندىگىنشە ۇيدەن جۇمىس ىستەيدى. قازىر اتالعان قالالاردا ىندەت تارالىپ جاتىر. تولىق لوكداۋن جاريالانعان قالالار دا بار. پاندەميانىڭ قازىرگى تارالۋىنا وميكرون شتامى سەبەپ. سيمپتومى بىلىنبەيتىن ناۋقاستار كوپتەپ شىعىپ جاتىر.
شەكارالار اشىلا ما؟
ەندى وسىعان كەلەيىك. قىتايدىڭ مەملەكەتتىك كەڭەسىنىڭ پرەمەرى لي كىشياڭ جاقىندا وتكىزگەن باسپا ءسوز ءماسليحاتىندا الەمدەگى كوروناۆيرۋس جاعدايىنا بايلانىستى قىتاي ادامدار مەن جۇكتەردى ەمىن- ەركىن تاسىمالداۋعا بىرتىندەپ كوشە باستايدى. ءبىراق مۇنىڭ ناقتى قاشان ىسكە اساتىنى بەلگىسىز.
www.24.kz