شاراعا ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا، اسسامبلەيا مۇشەلەرى مەن قوعامدىق ۇيىم وكىلدەرى قاتىسپ وتىر.
«پرەزيدەنتتىڭ ءبارىمىزدى جاڭا قازاقستاننىڭ اينالاسىنا توپتاسۋعا، جاڭارۋ مەن جاڭعىرۋ جولىنا شاقىرۋى ادىلەتتى. جولداۋدىڭ باسىم باعىتتارى مەن مىندەتتەرى قازاقستاننىڭ تاۋەلسىزدىكتىڭ 30 جىلىنداعى جەتىستىكتەرى جيىنتىعىنا نەگىزدەلگەن. ءبىز پرەزيدەنت ساياساتىنىڭ بىرىزدىگىن، ىسكە اسىرىپ جاتقان رەفورمالارى ەلىمىزدى دامۋدىڭ جاڭا دەڭگەيىنە شىعارۋعا باعىتتالعانىن كورىپ وتىرمىز. بۇگىن ءبىز ەلىمىزدىڭ مەملەكەتتىك قۇرىلىستىڭ جاڭا كەزەڭىنە شىققانىن سەنىممەن ايتا الامىز. ونىڭ نەگىزى ساياسي جۇيەنى جىلدار بويى شوعىرلانعان قوعامدىق ماسەلەلەرگە، تۇبەگەيلى وزگەرۋلەرگە باعىتتالعان كەشەندى جاڭعىرتۋ باعدارلاماسى بولماق»، - دەدى ايدا بالايەۆا.
ونىڭ پايىمىنشا، پرەزيدەنت جولداۋىندا كورىنىس تاپقان رەفورمالار ورنىقتى ءارى جان-جاقتى ويلاستىرىلعان شەشىمدەرگە نەگىزدەلگەن.
«مەملەكەت باسشىسى ءار قازاقستاندىقتىڭ كوكەيىنە ءوزى ءۇشىن ەلدىڭ باقۋاتىنان ماڭىزدى ەشتەڭە جوق ەكەنىن ايقىن ءارى شىن جۇرەكتەن جەتكىزە ءبىلدى. ءارقايسىمىز سول باقۋاتتىڭ جاۋاپكەرشىلىگى ءبارىمىزدىڭ موينىمىزدا ەكەنىن ءتۇسىنىپ وتىرمىز»، - دەدى ايدا بالايەۆا.