مەملەكەتتىك كىرىستەر كوميتەتى دەكلاراتسيانى تاپسىرۋ مەرزىمى جايلى ەسكەرتتى

2021-جىلدان باستاپ قازاقستاندا كەزەڭ-كەزەڭىمەن جالپىعا بىردەي دەكلاراتسيالاۋ ەنگىزىلىپ جاتىر.

ول مەملەكەتتىك قىزمەتشىلەردەن، ولارعا تەڭەستىرىلگەن تۇلعالاردان، سونداي-اق ولاردىڭ جۇبايلارىنان باستالادى.

مەملەكەتتىك كىرىستەر كوميتەتى كىرىستەر مەن مۇلكى تۋرالى دەكلاراتسيانى تابىس ەتۋ مەرزىمى تۋرالى ەسكەرتتى.

2022-جىلعى 15- قىركۇيەك - كىرىستەرى مەن مۇلكى تۋرالى دەكلاراتسيانى (270.00-نىسان) ەلەكتروندىق تۇردە تاپسىرۋ مەرزىمى.

دەكلاراتسيا قاعاز تۇرىندە تاپسىرىلاتىن بولسا، 2022-جىلعى 15- شىلدەدەن كەشىكتىرىلمەي تابىس ەتىلۋى ءتيىس.

2022-جىلى كىرىستەر مەن مۇلىك تۋرالى دەكلاراتسيانى جالپىعا بىردەي دەكلاراتسيالاۋدىڭ ءبىرىنشى كەزەڭىنىڭ تۇلعالارى ۇسىنادى، ولار 2021-جىلى اكتيۆتەر مەن مىندەتتەمەلەر تۋرالى دەكلاراتسيانى (250.00-نىسان) ۇسىنعان بولاتىن. دەكلاراتسيانى «سالىق تولەۋشىنىڭ كابينەتى» (kgd.gov.kz) web-قوسىمشاسى جانە «E -Salyq Azamat» موبيلدى قوسىمشاسى ارقىلى ەلەكتروندى تۇردە تولتىرىپ، تاپسىرۋعا بولادى. جەكە تۇلعالار دەكلاراتسيانى تۇرعىلىقتى جەرى بويىنشا، ال دارا كاسىپكەرلەر مەن جەكە پراكتيكامەن اينالىساتىن ادامدار ورنالاسقان جەرى بويىنشا تابىس ەتەدى.