ول كومسومولدىڭ ورتالىق كوميتەتىنىڭ حاتشىسى، الماتى وبلىسى اكىمىنىڭ ورىنباسارى بولىپ جۇرگەن كەزىندە دە ءبىر قالىپتى مىنەزىمەن، ويلى ۇسىنىستارىمەن كوزگە تۇسكەن ساناۋلى ساياساتكەر قىزدارىمىزدىڭ كوشىن باستاعان تۇلعا. اسىرەسە، «قىمىزمۇرىندىق» ءراسىمى مەن «مىڭ بالا» قوزعالىستارى جىبەك ءامىرحانوۆانىڭ وزىنە ءتان قولتاڭباسىن ايعاقتاعان.
الماتىدا ءارتۇرلى دەڭگەيدەگى قابىلداۋلار، تۇساۋكەسەرلەر، ءشاي ىشۋلەر بولىپ جاتاتىن. استە، وسىنداي كەزدەسۋلەردە جىبەك ءامىرحان قىزى جازۋشىلارمەن، جۋرناليستەرمەن جۇزدەسپەي كەتپەيدى. شەراعاڭ دا سۇلۋ مۇرتىنىڭ ارجاعىنان وزىنە عانا جاراساتىن ادەمى جىميىسىمەن قالجىڭ سوزبەن قاعىسىپ قالادى. اسىرەسە، شەراعاڭ موينى جىڭىشكە بوكالعا سۋدى قۇيىپ الىپ، جىبەك قاسىنا كەلگەندە:
- كانە جىگىتتەر، بوكالدارىڭنىڭ مىقىنىنان ۇستاپ جىبەكپەن سوعىستىرىپ ىشەلىك، - دەپ حرۋستال بوكالىن سىڭعىر ەتكىزىپ تۇيىستىرەدى. وسى كورىنىس ەكى-ءۇش مارتە قايتالاندى. تاعى ءبىر كەزدەسۋدە شەراعاڭ الگى قالجىڭىن تاعى ايتتى. بۇل جولى جىبەك ءۇنسىز قالا المادى.
- شەراعا، قولىڭىز نە مىقىننان جوعارى شىقپادى، نە مىقىننان تومەن تۇسپەدى عوي، - دەپ كۇلىپ جىبەردى.
شەراعاڭ وسىدان كەيىن جىبەكپەن قالجىڭداسۋدى كۇرت قويىپ كەتتى.
ەستەلىكتەر ءۋاليحان قاليجاننىڭ «سىر ساندىقتى اشىپ قارا...» اتتى ءومىرباياندىق ەسسەلەرىنەن الىندى.