«قازىرگى حالىقارالىق احۋال قىرعي- قاباق سوعىستىڭ ەڭ قيىن كەزەڭىن ەسكە تۇسىرەدى. ءبىراق، شەگىنە جەتە بۋىرقانعان، مەملەكەتتەر قاتاڭ سانكسيالارمەن تىرەسكەن، جەر جۇزىنە قانداي كەسىرى تيەتىنى بەيمالىم بولىپ تۇرعان بۇگىنگى جاعدايدى ادامزات بۇرىن- سوڭدى كورمەگەن تەڭدەسسىز قيىندىق دەۋگە ابدەن بولادى. سوندىقتان، ءبىز ءۇشىن كوزدەگەن ماقساتتان اۋىتقىماۋدىڭ، ەلىمىزدىڭ تۇتاستىعىن، جالپى ۇلتتىق بىرلىگى مەن تىلەكتەستىگىن ساقتاۋدىڭ ومىرلىك ماڭىزى بار»، - دەدى قاسىم- جومارت توقايەۆ.
پرەزيدەنت رەفورما جاساپ جاتىرمىز دەگەن اتاق ءۇشىن عانا رەفورما جاساۋدىڭ قاجەتى جوعىن ايتتى.
«مەن مۇنى بىرنەشە رەت ايتتىم. ءبىز بۇل وزگەرىستەردى جۇرتقا جاقسى كورىنۋ ءۇشىن جاسامايمىز. قۇلاققا جاعىمدى، ءبىراق ورىندالۋى ەكىتالاي، كۇماندى كورسەتكىشتەرگە الدانبايمىز. قاعاز بەتىندە عانا جۇزەگە اسىرىلعان، ءبىراق شىندىققا ەش جاناسپايتىن جالعان تابىستارعا ماساتتانىپ وتىراتىن زامان كەلمەسكە كەتتى. حالىققا كوپىرمە ءسوز، بوس ۋادە ەمەس، كوزبەن كورىپ، قولمەن ۇستاۋعا بولاتىن وڭ وزگەرىستەر كەرەك. ءبىز كەز كەلگەن ماسەلەنى اشىق ايتىپ، ونى شەشۋدىڭ وڭتايلى جولدارىن بىرگە ىزدەۋىمىز قاجەت. ەكونوميكاداعى، ساياساتتاعى جاساندى مونوپوليالاردى تۇبىرىمەن جويۋعا ءتيىسپىز. ونىڭ ورنىنا اشىق ءارى ءادىل باسەكە ورناتۋ وتە ماڭىزدى. سەبەبى ناعىز باسەكە بولعاندا عانا حالىقتىڭ ءال- اۋقاتى ارتىپ، جاعدايى جاقسارادى»، - دەدى ق. توقايەۆ.
اۆتور: ايجان سەرىكجان قىزى