«وتاندىق ب ا ق-تىڭ ەل وڭىرلەرىندە جانە الەم بولىپ جاتقان ۇدەرىستەر تۋرالى ءوز كوزقاراسى بولۋعا ءتيىس. ەلىمىزدىڭ اقپاراتتىق قاۋىپسىزدىگى، ءتىپتى يدەولوگيالىق دەربەستىگى وسىعان تىكەلەي بايلانىستى. مەملەكەت اشىق اقپارات كەڭىستىگىن قالىپتاستىرۋعا ەرەكشە كوڭىل بولەدى. ب ا ق وزەكتى ماسەلەلەردى كوتەرە الادى جانە كوتەرۋى كەرەك، ءبىراق مۇنى ۇلكەن ازاماتتىق جاۋاپكەرشىلىكپەن جاساۋ كەرەك. سىرتتان تاپسىرىس بويىنشا ەمەس، كولەڭكەلى تولەماقى ءۇشىن نەمەسە ساياسي توپتار ءۇشىن جۇمىس ىستەمەۋى كەرەك. ب ا ق وكىلدەرى ءوز ەلى مەن ونىڭ ازاماتتارى ءۇشىن شىن جۇرەكتەن الاڭداۋى كەرەك»، - دەدى مەملەكەت باسشىسى.
ءسوز اراسىندا پرەزيدەنت ب ا ق- تىڭ ءتورتىنشى بيلىك ەكەنىن تاعى ءبىر ەسكە سالدى.
«وسى ورايدا تىلشىلەر قاۋىمىنا ارنايى جۇگىنەمىن. ودان ارعى دەموكراتيالىق وزگەرىستەر تاۋەلسىز جانە جاۋاپتى بۇقارالىق اقپارات قۇرالدارىنسىز مۇمكىن ەمەس دەپ سانايمىن. سوندىقتان مەملەكەتتىڭ مۇددەسى مەن قوعامنىڭ سۇرانىستارىن جانە مەديا سالانىڭ دامۋ تەندەنتسيالارىن ەسكەرە وتىرىپ، ب ا ق تۋرالى زاڭدى قايتا قاراۋ قاجەت»، - دەيدى ول. بۇعان دەيىن قاسىم-جومارت توقايەۆ وتاندىق ب ا ق باسەكەگە قابىلەتتى جانە ەركىن بولۋى كەرەك دەگەن ەدى.