بۇل تۋرالى ق ر پرەزيدەنتى قاسىم-جومارت توقايەۆ قازاقستان حالقىنا جولداۋىندا ايتتى، دەپ حابارلايدى قازاقپارات ءتىلشىسى.
«سەمەي ايماعىندا اباي وبلىسىن قۇرۋدى ۇسىنامىن. سەمەي قالاسى جاڭا وبلىستىڭ ورتالىعى بولادى. وسى ماسەلەنى ايماق تۇرعىندارى كوپتەن بەرى ايتىپ جۇرگەنىن بىلەمىن. قازىر ول جاقتا شەشىمىن تاپپاعان تۇيتكىلدەر از ەمەس. مىسالى، ايماقتىڭ ىشكى ينفراقۇرىلىمى ابدەن توزعان»، - دەدى مەملەكەت باسشىسى.
ق ر پرەزيدەنتى كەزىندە الاش ارىستارىنىڭ باسىن قوسقان سەمەي قالاسىنىڭ دا جاعدايى ءماز ەمەستىگىن باسا ايتتى.
«ءبىز ادىلدىكتى ورناتىپ، ۇلىلارىمىز دۇنيەگە كەلگەن كيەلى ءوڭىردى قايتا جاڭعىرتۋعا ءتيىسپىز»، - دەدى قاسىم-جومارت توقايەۆ.