ازىق- تۇلىك قاۋىپسىزدىگىن قامتاماسىز ەتۋدىڭ ەكى جىلدىق جوسپارى ازىرلەندى
«2022-2024 -جىلدارعا ارنالعان ازىق- تۇلىك قاۋىپسىزدىگىن قامتاماسىز ەتۋ جوسپارى مەملەكەت باسشىسىنىڭ تاپسىرماسىنا سايكەس ازىرلەندى. جوسپار رەسپۋبليكانىڭ ازىق- تۇلىك قاۋىپسىزدىگىن قامتاماسىز ەتۋ سالاسىنداعى مەملەكەتتىك الەۋمەتتىك- ەكونوميكالىق ساياساتتىڭ بارلىق نەگىزگى باعىتتارىن قامتيدى. ۇلتتىق قاۋىپسىزدىك جانە اگروونەركاسىپتىك كەشەندى دامىتۋدى مەملەكەتتىك رەتتەۋ تۋرالى زاڭداردا ازىق- تۇلىك قاۋىپسىزدىگىن قامتاماسىز ەتۋ ءۇشىن ءۇش ولشەمشارت ايقىندالعان»، - دەدى ۆەدومستۆو باسشىسى.
ولار: ءبىرىنشى ولشەمشارت - بۇل ازىق- تۇلىك نارىعىنداعى قول جەتىمدىلىك دەڭگەيىن سيپاتتايتىن ازىق- تۇلىككە فيزيكالىق قول جەتىمدىلىك. ەكىنشى ولشەمشارت - حالىقتىڭ ازىق- تۇلىك ساتىپ الۋ مۇمكىندىگىن سيپاتتايتىن ازىق- تۇلىكتىڭ ەكونوميكالىق قولجەتىمدىلىگى. ءۇشىنشى ولشەمشارت - تاماق ونىمدەرىنىڭ قاۋىپسىزدىگى.
«تۇتاستاي العاندا، ازىق- تۇلىك قاۋىپسىزدىگىن قامتاماسىز ەتۋ سالاارالىق سيپاتقا يە جانە بارلىق مۇددەلى تاراپتاردىڭ ۇيلەستىرىلگەن ءىس- قيمىلىن تالاپ ەتەدى»، - دەدى مينيستر.