استانادا جۇرگىزۋشى كۋالىكتەرىن الىپ بەرەم دەگەن الاياق ۇستالدى
«سارىارقا» اۋدانىنىڭ پوليتسيا باسقارماسىنا 4 ازامات «جۇرگىزۋشى كۋالىگىن الىپ بەرەمىن» دەپ اقشا العان ادامنىڭ ۇستىنەن ارىز جازدى.
كريمينالدىق پوليتسيا قىزمەتكەرلەرى جەدەل- ىزدەستىرۋ ءىس-شارالارى كەزىندە ەلوردادا تۇراتىن وزبەكستان رەسپۋبليكاسىنىڭ 32 جاستاعى تۋماسىن ۇستادى. تەرگەۋ بارىسىندا انىقتالعانداي، ۇستالعان ازامات جۇرگىزۋشى كۋالىگىن ءتيىستى ەمتيحان تاپسىرماي-اق الىپ بەرەتىنى تۋرالى ۋادە بەرگەن. اقىسىنا جابىرلەنۋشىلەردەن ءتۇرلى سومادا اقشا سۇراعان. اقشا دەپوزيتكە تۇسكەن سوڭ كۇدىكتى بايلانىستى ءۇزىپ وتىرعان»، - دەپ جازادى نۇر-سۇلتان قالاسى پوليتسيا باسقارماسىنىڭ باسپا ءسوز قىزمەتى.
پوليتسيا وكىلدەرىنىڭ مالىمەتى بويىنشا، كۇدىكتى كىناسىن مويىنداعان. ەندى ونىڭ وسىعان ۇقساس باسقا قىلمىستارعا قاتىسى بار-جوعى تەكسەرىلىپ جاتىر.
«اتالعان فاكتى بويىنشا ق ر قىلمىستىق كودەكسىنىڭ 190-بابىمەن («الاياقتىق») قىلمىستىق ءىس قوزعالدى. پوليتسيا دەپارتامەنتى ازاماتتاردى الاياقتىقتىڭ جيىلەپ كەتكەن فاكتىلەرى تۋرالى ەسكەرتەدى جانە قاسكۇنەمدەردىڭ ايلا-امالدارىنا بوي الدىرماۋعا، بەيتانىس ادامدارعا سەنبەۋگە، اقشانى، باعالى زاتتاردى، سونداي-اق بانك شوتتارى مەن كارتالارىنىڭ سيفرلىق دەرەكتەرىن ەشكىمگە بەرمەۋگە شاقىرادى»، - دەلىنگەن پوليتسيا تاراتقان مالىمەتتە.