ۆاكسينا الماعان ادامدارعا قىزمەت كورسەتۋ سالاسىندا كۇندىزگى جۇمىسقا شىعۋىنا شەكتەۋ الىندى
22:10, 11 - ناۋرىز 2022
نۇر-سۇلتان. قازاقپارات - COVID-19 عا قارسى ۆاكسينا الماعان قىزمەتكەرلەرگە كۇندىزگى رەجيمدەگى جۇمىسقا شىعۋعا رۇقسات بەرىلەدى (قىزمەت كورسەتۋ سالاسىنىڭ وبەكتىلەرى) شەكتەلەدى، دەپ حابارلايدى قازاقپارات.
ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا وسىنداي شەشىم قابىلداندى.
ەلدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ، قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا شەشىم ىشىندە «COVID-19 عا قارسى ۆاكسينا الماعان قىزمەتكەرلەر ءۇشىن كۇندىزگى رەجيمدەگى جۇمىسقا رۇقسات بەرۋدى شەكتەۋدى (قىزمەت كورسەتۋ سالاسىنىڭ وبەكتىلەرى) الىپ تاستاۋ» دەگەن تارماق بار.