تەننيس: قازاقستان قۇراماسى الەمدىك رەيتينگىدە ۇزدىك وندىققا كىردى
20:21, 11 - ناۋرىز 2022
نۇر-سۇلتان. قازاقپارات - قازاقستان ۇلتتىق قۇراماسى حالىقارالىق تەننيس فەدەراتسياسى (ITF ) دەۆيس كۋبوگى رەيتينگىسىندەگى كورسەتكىشىن جاقسارتتى، دەپ حابارلايدى قازاقپارات ءتىلشىسى.
قازاقستان تەننيس فەدەراتسياسى ءمالىم ەتكەنىندەي، ۇلتتىق قۇراما 13-ورىننان 9-ساتىعا كوتەرىلدى. وسىلايشا قازاقستان قۇراماسى ۇزدىك وندىققا كىردى.
بۇل دەۆيس كۋبوگى ىرىكتەۋ كەزەڭىندە نورۆەگيا قۇراماسىن جەڭۋى ارقاسىندا مۇمكىن بولدى.
ءسويتىپ الەم چەمپيوناتىنىڭ فينالدىق كەزەڭىنە جولداما العان ەدى.
دەۆيس كۋبوگىنىڭ فينالدىق كەزەڭى بيىل قىركۇيەك ايىندا، پلەي-وفف باسەكەلەرى قاراشادا وتەدى.
فينال مەن پلەي-وفف ويىندارى بولاتىن قالالار ناۋرىزدىڭ اياعى نە ءساۋىردىڭ باسىندا انىقتالادى.
ەسكە سالا كەتەيىك، بۇدان بۇرىن يۋليا پۋتينتسيەۆانىڭ ينديان-ۋەللس تۋرنيرىن جەڭىسپەن باستاعانىن جازعان بولاتىنبىز.