قاسىم- جومارت توقايەۆ حالىقارالىق تۇركى اكادەمياسىنىڭ باستامالارىنا جوعارى باعا بەردى
18:31, 11 - ناۋرىز 2022
نۇر- سۇلتان. قازاقپارات - مەملەكەت باسشىسى تۇركى اكادەمياسىنىڭ پرەزيدەنتى دارحان قىدىرالىنى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
قاسىم- جومارت توقايەۆقا حالىقارالىق تۇركى اكادەمياسىنىڭ اتقارىپ جاتقان جۇمىستارى مەن الداعى جوسپارى تۋرالى باياندالدى.
احمەت بايتۇرسىن ۇلىنىڭ 150 جىلدىق، مۇحتار اۋەزوۆتىڭ 130 جىلدىق مەرەيتويلارى اياسىندا حالىقارالىق ۇيىمدارمەن بىرلەسىپ، جوعارى دەڭگەيدە وتكىزىلەتىن ءىس- شارالار جايلى مالىمەت بەرىلدى.
سونىمەن قاتار پرەزيدەنتكە حالىقارالىق تۇركى اكادەمياسى شىعارعان «تۇركى الەمى اتلاسى» مەن بەس مىڭ جىلدىق انتروپولوگيالىق تاريحىمىزدى باياندايتىن كىتاپتار تانىستىرىلدى.
قاسىم- جومارت توقايەۆ حالىقارالىق تۇركى اكادەمياسىنىڭ باستامالارىنا جوعارى باعا بەرىپ، وسى باعىتتاعى جۇمىستاردى جالعاستىرۋدى تاپسىردى.