تەك ايەلدەر تۇراتىن جەر قايدا ورنالاسقان؟
بۇگىننىڭ دە ءوز امازونكالارى بار ەكەن. ولار برازيليادا، ريو- دە- جانەيرودان 400 شاقىرىم جەردە، بەلۋ وزەنىنىڭ اڭعارىنداعى نەيۆا-دۋ كوردەيرو دەگەن قالادا تۇرادى. بۇل ايەلدەر قاۋىمىنىڭ بۇرىنعى امازونكالاردان ەرەكشەلىگى جاۋىنگەر ەمەس، ەگىنشىلىكپەن اينالىسادى.
كوممۋنانى 1891 -جىلى ماريا سەنحورينيا دە ليما قۇرعان. اڭىز بويىنشا، ماريانى كۇيەۋى باسقا ايەلگە عاشىق بولىپ تاستاپ كەتەدى. قولىندا جاس بالاسىمەن جالعىز قالعان كەلىنشەك تاعدىردىڭ تالكەگىنە مويىماعان. ول اۋىلشارۋاشىلىق كوممۋناسىن قۇرىپ، وندا تەك تۇرمىسى قيىن ايەلدەردى جۇمىسقا العان.
كوممۋنا ايەلدەرى ەگىنشىلىكپەن، ازىق-تۇلىك ساتۋمەن اينالىسادى. ايەلدەردىڭ كوپشىلىگى تۇرمىس قۇرماعان، كەيبىرى تۇرمىسقا شىققان. ەرلەر - كوممۋنا ايەلدەرىنىڭ كۇيەۋلەرى مەن ۇلدارى كورشى قالالاردا جۇمىس ىستەيدى. ەرلەرگە كوممۋناعا دەمالىس كۇندەرى عانا كەلۋگە رۇقسات ەتىلەدى.
قوعام العاشىندا جۇرتشىلىق تاراپىنان سىنعا ۇشىراعانىمەن، ايەلدەردىڭ ماتريارحات قاۋىمىنا 131 جىل تولىپ وتىر. بۇگىندە قالادا 20-40 جاس ارالىعىنداعى 600 گە جۋىق ايەل تۇرادى.
ينتەرنەتتىڭ ارقاسىندا ولار بۇكىل الەمدە تانىمال جانە ولار باسقالاردى ءومىر سالتىمەن تانىستىرۋ ءۇشىن اپتاسىنا بىرنەشە رەت تىكەلەي ەفيرگە شىعادى. مۇندا جۋرناليستەر دە تۇراقتى كەلەدى.
كوممۋنانىڭ بىرنەشە «التىن ەرەجەلەرى» بار:
• بۇل موناحتار تۇراتىن جەر. ەر ادامدار تەك رۇقسات ەتىلگەن كۇنى عانا كەلەدى.
• بۇل جەردە ەر ادامدارعا تۇرۋعا رۇقسات ەتىلمەيدى. ۇل بالا 18 جاسقا تولعاندا كوماندادان كەتەدى. حالىقتىڭ تۇرعىندارى، ياعني قۇربىلاردىڭ بالالارى اراسىندا وتباسىن قۇرۋعا تىيىم سالىنادى، ويتكەنى ولاردىڭ بارلىعى ءبىر وتباسى.
• بۇل رەتتە ايەل تۇرمىسقا شىققىسى كەلسە نەمەسە بالاسىمەن «ۇلكەن ومىرگە» بارعىسى كەلسە، قارسىلىق جوق.
• قوعام نەگىزىنەن اۋىل شارۋاشىلىعىمەن - كوكونىس پەن جەمىس-جيدەك وسىرۋمەن اينالىسادى. ەرلەردى قۇرىلىس پەن اۋىر جۇمىستارعا شاقىرادى.
قازىر كوممۋنانى باسقارىپ وتىرعان دوننا دەليساعا قاۋىمداستىق ۇلكەن سۇيىسپەنشىلىك پەن قۇرمەتپەن قارايدى.
مۇنداعى تۇرعىندار قاراپايىم ءومىر سۇرەدى. برازيليانىڭ بارلىق جەرىندە بولعانداي، ءجيى كونتسەرتتەر مەن شوۋلار ءوتىپ تۇرادى. ايەلدەر بالالاردى تاربيەلەۋگە، بىرگە تاماق ازىرلەۋگە، جۇمىس ىستەۋگە ۇيرەتەدى.
اقپارات دەرەككوزى: massaget.kz