قازاقستاندىق ەكى اۋەكومپانيا رەسەيگە رەيستەرىن توقتاتا باستادى

نۇر-سۇلتان. قازاقپارات - Air Astana كومپانيالار توبى رەسەيگە كەيبىر رەيسىن توقتاتتى، - دەپ حابارلايدى Kaz.tengritravel.kz ءتىلشىسى.

تاسىمالداۋشىنىڭ مالىمەتىنشە، «ەير استانا» كومپانيالار توبى وندىرىستىك سەبەپتەرگە بايلانىستى قازاقستاننان رەسەي فەدەراتسياسىنىڭ قالالارىنا ۇشاتىن ءبىرقاتار رەيستى ۋاقىتشا توقتاتۋعا ءماجبۇر بولدى.

«قازىر الماتىدان جانە نۇرسۇلتان نازاربايەۆتان ماسكەۋگە باعىت بويىنشا رەيستەر ورىندالىپ جاتىر. «ەير استانا» وندىرىستىك ماسەلەلەردى تەز ارادا شەشۋگە بار كۇشىن سالادى. ءساتتى بولعان جاعدايدا « ەير استانا « مەن FlyArystan كەلەسى اپتانىڭ باسىندا رەسەي قالالارىنا ۇشۋدى جالعاستىرادى»، - دەپ حابارلادى كومپانيا.

ەسكە سالايىق، باسقا ەكى قازاقستاندىق اۋەكومپانيا رەسەيگە رەيستەردى جالعاستىرۋعا ۋادە بەردى.