قازاقستاندىق سپورتشى شاڭعى جارىسىنان پاراليمپيادا ويىندارىنىڭ فينالىنا شىقتى

بەيجىڭ. قازاقپارات - قازاقستاندىق الەكساندر گەرليتس شاڭعىمەن تۇرىپ جارىسۋدان پاراليمپيادا ويىندارىنىڭ فينالىنا شىقتى.

ول سارسەنبى كۇنى جاڭجياكوۋ قالاسىنداعى شاڭعى سپورتى ۇلتتىق ورتالىعىندا وتكەن جارتىلاي فينالدا ەكىنشى كەلدى، دەپ حابارلايدى قازاقپارات ءتىلشىسى.

قازاقستاندىق سپورتشى جارتىلاي فينالدا 3 مينۋت 26,3 سەكۋند كورسەتكىشپەن ەكىنشى بولدى. ونىمەن قاتار قىتايلىق شاڭعىشى ساي جۋن مەن نەمىس م. مايەر دە فينالعا شىقتى. سارسەنبى كۇنى (نۇر-سۇلتان ۋاقىتىمەن 12:13) وتەتىن اقتىق سىندا الەكساندر گەرليتس شاڭعى جارىسىنىڭ فاۆوريتتەرى - قىتاي، ۋكراينا، فرانسيا جانە گەرمانيا سپورتشىلارىمەن جەڭىس تۇعىرىنداعى ورىندار ءۇشىن تالاسادى.

ەستەرىڭىزگە سالا كەتەيىك، كەشە قازاقستان 2022 -جىلعى پاراليمپيادا ويىندارىنىڭ العاشقى مەدالىن جەڭىپ الدى: الەكساندر گەرليتس پارابياتلوندا قولا جۇلدەگەر اتاندى.

اۆتور: سماعۇلوۆا ەركەجان