ۇلتتىق بانك «تەڭگە - ا ق ش دوللارى» ساۋدا-ساتتىعىنىڭ رەگلامەنتىن وزگەرتتى

نۇر-سۇلتان. قازاقپارات - قازاقستان ۇلتتىق بانكى «قازاقستان قور بيرجاسى» ا ق- مەن بىرلەسىپ، 9- ناۋرىزدا «تەڭگە - ا ق ش دوللارى» ۆاليۋتا جۇبى بويىنشا ساۋدا-ساتتىق رەگلامەنتىن وزگەرتۋ تۋرالى شەشىم قابىلدادى، دەپ حابارلايدى قازاقپارات ۇلتتىق بانككە سىلتەمە جاساپ.

وعان سايكەس، «تەڭگە - ا ق ش دوللارى» ۆاليۋتا جۇبى بويىنشا ساۋدا-ساتتىق 9- ناۋرىز كۇنى نۇر-سۇلتان قالاسىنىڭ ۋاقىتى بويىنشا ساعات 15:00 دە اشىلادى جانە فرانكفۋرت اۋكسيونى فورماتىندا جۇرگىزىلەدى.

«بۇل شەشىم جوعارى قۇبىلمالىلىق اياسىندا ۆاليۋتا نارىعىنىڭ تۇراقسىزدانۋىنا جانە سىرتقى فاكتورلار تاراپىنان قىسىم جاساۋعا جول بەرمەۋ ماقساتىندا قابىلداندى. «تەڭگە - ا ق ش دوللارى» ۆاليۋتا جۇبى بويىنشا ساۋدا-ساتتىقتىڭ بۇدان بىلايعى رەجيمى تۋرالى اقپارات رەسمي بايلانىس جاساۋ ارنالارى ارقىلى ۋاقتىلى جەتكىزىلەتىن بولادى»، - دەلىنگەن ۇ ب اقپاراتىندا.