فۋتبول: شوتلانديا مەن ۋكراينا كەزدەسۋى كەيىنگە قالدى

نۇر-سۇلتان. قازاقپارات - شوتلانديا مەن ۋكراينا قۇرامالارى اراسىندا كاتاردا وتەتىن الەم چەمپيوناتىنىڭ فينالدىق كەزەڭىندە ويناۋ قۇقىعىنا ارنالعان جارتىلاي فينالدىق پلەي-وفف كەيىنگە قالدىرىلدى، دەپ حابارلايدى Prosports.kz.

24- ناۋرىزدا گلازگودا ءوتۋى ءتيىس كەزدەسۋ ۋكرايناداعى جاعدايعا بايلانىستى جوسپارلانعانداي وتپەيدى. ماتچتىڭ جاڭا كۇنى جاقىن ارادا بەلگىلى بولادى. ۋەفا ويىندى ماۋسىم ايىنا اۋىستىرادى دەپ كۇتىلۋدە.

ماتچتىڭ جەڭىمپازى 2022-جىلعى الەم چەمپيوناتىنا جولداما ءۇشىن ۋەلس-اۆستريا جۇبىنىڭ جەڭىمپازىمەن وينايدى.