ەردوعان پۋتيندى اسكەري قيمىلدى توقتاتۋعا شاقىردى

نۇر-سۇلتان.قازاقپارات - تۇركيا پرەزيدەنتى رەدجەپ تايپ ەردوعان رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. قوس باسشىنىڭ كەلىسسوزى شامامەن 1 ساعاتقا سوزىلدى.

تۇركيا پرەزيدەنتى اتىستى توقتاتۋ، گۋمانيتارلىق دالىزدەردى اشۋ جانە بەيبىت كەلىسىمگە قول قويۋ ءۇشىن شۇعىل قادامدار جاساۋدىڭ ماڭىزدىلىعىنا توقتالدى. رەسمي انكارا ۋكراينا ماسەلەسىنىڭ تەز ارادا بەيبىت ادىستەرمەن شەشىلۋىنە ۇلەس قوسۋعا، دايىن ەكەنىن جەتكىزدى. ۋكراينا تاراپىمەن جانە باسقا ءبىرقاتار ەلدەرمەن، تۇراقتى بايلانىستا ەكەنىن بىلدىرگەن پرەزيدەنت ەردوعان، جان- جاقتى كەلىسسوزدەر جۇرگىزىپ، ناتيجەگە جەتۋ ءۇشىن تالپىنىستارىن جالعاستىراتىنىن ايتتى. ال كرەملدىڭ مالىمدەۋىنشە، ۋكراينا سوعىستى توقتاتىپ، ماسكەۋدىڭ تالابى ورىندالعان جاعدايدا عانا رەسەي قاقتىعىستى توقتاتادى.

www.24.kz