ب ۇ ۇ وكىلى: قازاقستان - حالىقارالىق سەنىمدى سەرىكتەس
وسى ۋاقىت ارالىعىندا قازاقستان ورتالىق ازيا ەلدەرى اراسىنداعى ءوڭىرارالىق قارىم- قاتىناستىڭ تەرەڭدەي تۇسۋىنە ايرىقشا ۇلەس قوستى.
ماسەلەن، 2018 -جىلى العاش رەت ورتالىق ازيا ەلدەرى باسشىلارىنىڭ كونسۋلتاتيۆتىك كەزدەسۋى ءوتىپ، ايماقتىڭ ءوزارا ىقپالداستىعىنا جاڭا سەرپىن بەردى. سونىمەن قاتار قازاقستان مەن ورتالىق ازيا بويىنشا پريەۆەنتيۆتى ديپلوماتيا جونىندەگى وڭىرلىك ورتالىعىمەن دە تىعىز قارىم-قاتىناس قۇرىلىپ، ارىپتەستىك ورنادى. جالپى ەلىمىزدىڭ ۇلتتىق، وڭىرلىك جانە جاھاندىق دەڭگەيدەگى جۇمىسى مەن ب ۇ ۇ اراسىنداعى ناتيجەلى ارىپتەستىگى دۇرىس جولعا قويىلعان، دەيدى ۇيىم باسشىلىعى.
ميروسلاۆ ەنچا، ب ۇ ۇ باس حاتشىسىنىڭ ساياسي ماسەلەلەر جونىندەگى كومەكشىسى:
- قازاقستان ب ۇ ۇ-نىڭ ءوڭىرارالىق جانە حالىقارالىق دەڭگەيدەگى سەنىمدى سەرىكتەسىنە اينالدى. 2017-2018 ج ج. ب ۇ ۇ قاۋىپسىزدىك كەڭەسىندە بولعان كەزىندە مۇنى جاقسى دالەلدەي ءبىلدى. ءوزىنىڭ ەرەكشە باستامالارىمەن كوزگە ءتۇستى. قازاقستان ءوزىنىڭ عانا ەمەس، سونىمەن قاتار ورتالىق ازيا ءوڭىرىنىڭ تانىلۋىنا، قاۋىپسىزدىك كەڭەستىڭ نازارىن سول وڭىرگە اۋدارۋدا ەرەكشە رول اتقاردى. الەمدەگى كۇردەلى ماسەلەلەرگە قاتىستى تەز ارادا شەشىم قابىلداي ءبىلدى. ماسەلەن، استانا پروتسەسى سيريالىق داعدارىس بويىنشا كەلىسسوزدەر الاڭىنا اينالىپ، ءوىزىنىڭ تيىمدىلىگىن كورسەتتى. الداعى ۋاقىتتا دا ب ۇ ۇ مەن قازاقستان اراسىنداعى سەرىكتەستىك جالعاسا بەرەدى دەگەن.
24.kz