قازاقستاندا مەرزىمدى اسكەري قىزمەتكە شاقىرۋ باستالدى
بۇل تۋرالى ق ر قورعانىس مينيسترلىگىنەن ءمالىم ەتتى، دەپ حابارلايدى قازاقپارات.
«اسكەري قىزمەتتىڭ بەلگىلەنگەن قىزمەتىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2022-جىلعى ناۋرىز - شىلدە جانە قىركۇيەك - جەلتوقسان ايلارىندا كەزەكتى مەرزىمدى اسكەري قىزمەتكە شاقىرۋ تۋرالى» جارلىققا قول قويدى.
«اسكەرگە شاقىرۋ ناۋقانى 1- ناۋرىزدا باستالىپ، 30-ماۋسىمعا دەيىن جالعاسادى. ءتورت اي ىشىندە قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ قاتارىن 18-27 جاس ارالىعىنداعى 17 مىڭعا جۋىق جاس ءوسپىرىم تولىقتىرادى. الدىمەن، ۇلتتىق قاۋىپسىزدىك كوميتەتىنىڭ، مەملەكەتتىك كۇزەت قىزمەتىنىڭ بولىمشەلەرى، سودان كەيىن قارۋلى كۇشتەردىڭ، توتەنشە جاعدايلار مينيسترلىگىنىڭ جانە قازاقستان رەسپۋبليكاسى ۇلتتىق ۇلانىنىڭ اسكەري بولىمدەرى جاساقتالادى. اسكەرگە شاقىرۋ ناۋقانىنىڭ شارالارى سانيتارلىق-ەپيدەميولوگيالىق تالاپتاردى ساقتاي وتىرىپ ۇيىمداستىرىلعان. بولاشاق ساربازدار COVID-19-عا قارسى پ ت ر- زەرتتەۋدەن ەكى رەت، ياعني جيناۋ پۋنكتتەرىندە جانە اسكەري بولىمدەرگە كەلگەننەن كەيىن وتەدى»، - دەلىنگەن ءمينيسترلىڭ حابارلاماسىندا.
ءمالىم ەتىلگەندەي، اسكەرگە شاقىرىلۋشىلار 1414 ءبىرىڭعاي بايلانىس ورتالىعىنىڭ سەرۆيسى ارقىلى SMS- حابارلامالار جىبەرۋ، سونداي-اق تۇرعىلىقتى جەرى مەن جۇمىسىنىڭ مەكەنجايلارىنا جىبەرىلەتىن دەربەس شاقىرۋ قاعازدارى ارقىلى حاباردار ەتىلۋ ۇستىندە.
اسكەرگە شاقىرۋدى جەرگىلىكتى اتقارۋشى ورگاندار ۇيىمداستىرىپ، قامتاماسىز ەتەدى. اتالعان شاقىرۋ كوميسسيالارىن وبلىس، قالا، اۋدان اكىمدەرىنىڭ ورىنباسارلارى باسقارادى.
«2021-جىلعى 1- ناۋرىزدان باستاپ اسكەرگە شاقىرۋدى كەيىنگە قالدىرۋ نەمەسە ودان بوساتۋ مەملەكەتتىك قىزمەتتەر تىزىمىنە ەنىپ، وعان سايكەس قىزمەت تۇرلەرى ازاماتتارعا ەلەكتروندىق ۇكىمەت پورتالى ارقىلى ۇسىنىلاتىنىن اتاپ وتكەن ءجون. ءار قورعانىس ىستەرى جونىندەگى دەپارتامەنتىندە «قارۋلى كۇشتەر - ادالدىق الاڭى» جوبالىق وفيستەرى جۇمىس ىستەيدى.
بۇل جەردەن اسكەرگە شاقىرىلۋشىلار مەن ولاردىڭ اتا-انالارى بارلىق قاجەتتى اقپاراتتى الا الادى. تولعاندىراتىن ماسەلەلەر بويىنشا تۋىنداعان سۇراقتاردى قورعانىس ءمينيسترىنىڭ بلوگىنا، قورعانىس مينيسترلىگىنىڭ الەۋمەتتىك جەلىلەردەگى رەسمي اككاۋنتتارىنا، سونداي-اق جەرگىلىكتى اسكەري باسقارۋ ورگاندارىنىڭ ەلەكتروندىق پوشتالارىنا جىبەرۋگە بولادى»، - دەپ تولىقتىردى ۆەدومستۆودان.