قازاقستاندىق جەكپە-جەك شەبەرى الماتىدا وتكەن تۋرنيردە جەڭىمپاز اتاندى

الماتى. قازاقپارات - قازاقستاندىق ارالاس جەكپە-جەك شەبەرى سامات مامەدوۆ الماتىدا ءوتىپ جاتقان Octagon 28 تۋرنيرىندە جەڭىسكە جەتتى، دەپ حابارلايدى قازاقپارات Sports.kz سايتىنا سىلتەمە جاساپ.

قازاقستاندىق سپورتشى ءبىرىنشى راۋند اياقتالارعا 1 مينۋت قالعاندا قىرعىزستاندىق فايتەر ازات نۇرمامادوۆتى بۋىندىرۋ ادىسىمەن جەڭدى.

جەڭىلەردەن بۇرىن قىرعىزستاندىق جەكپە-جەك شەبەرىنىڭ اۋزىنداعى كاپاسى ءتۇسىپ قالعان بولاتىن، الايدا جەكپە-جەك جالعاسا بەردى.

كەزدەسۋ سوڭىندا ەكى سپورتشىنىڭ اراسىندا ءبىر كيكىلجىڭ تۋىندادى، الايدا ونىڭ نەدەن شىققانى سول بويى بەلگىسىز بولىپ قالدى.

مامەدوۆ ءۇشىن بۇل كارەراسىنداعى قاتارىنان كەلگەن 3 جەڭىس بولسا، قىرعىزستاندىق جەكپە-جەك شەبەرى وسىمەن 3 رەت جەڭىلىپ، 2 رەت جەڭىسكە جەتتى.