ازىق-تۇلىك باعاسى: الماتىدا «دەلدالدىق سحەمالاردى» تەكسەرەتىن كوميسسيا قۇرىلادى
الماتى قالاسىنىڭ كاسىپكەرلىك جانە ينۆەستيتسيالار باسقارماسىنىڭ مالىمەتىنشە، قازىرگى ۋاقىتتا اۋداندىق اكىمدىكتەرمەن بىرلەسىپ ساۋدا جەلىلەرىنىڭ، بازارلار مەن ءۇي ماڭىنداعى دۇكەندەردىڭ سورەلەرىندەگى باعالارعا كۇندەلىكتى مونيتورينگ جۇرگىزىلۋدە.
«سوڭعى اپتادا كوكونىس ونىمدەرىنە باعانىڭ شامالى اۋىتقۋىنان باسقا، باعانىڭ كۇرت ءوسۋى بايقالمادى. بۇل ءونىمدى ساقتاۋ شىعىندارىمەن بايلانىستى. باعانىڭ نەگىزسىز وسۋىنە جول بەرمەۋ ءۇشىن وتاندىق تاۋار وندىرۋشىلەرمەن جۇمىس جۇرگىزىلۋدە. ءتيىمدى تەتىكتەردىڭ ءبىرى «جەڭىلدەتىلگەن» زاەمدار بەرۋ باعدارلاماسى بولىپ تابىلادى. ونىڭ اياسىندا وندىرۋشىلەر مەن ساۋدا جەلىلەرىنە باعانى ۇزاق مەرزىمگە بەلگىلەۋ ءۇشىن پايىزسىز «اينالىمدى» قارىزدار بەرىلەدى.
بۇگىندە وسى باعدارلاما اياسىندا جۇمىرتقا وندىرەتىن ءىرى «الساد قازاقستان» ج ش س- مەن (نارىق ۇلەسىنىڭ 0 الادى) كەلىسىم جاسالدى.
2024-جىلعى 31- قاڭتارعا دەيىن وتكىزۋ باعالارى بويىنشا 10 دانا جۇمىرتقانىڭ باعاسى 400 تەڭگە دەڭگەيىندە تىركەلدى. كەلىسىمنىڭ قولدانىسقا ەنۋىمەن جۇمىرتقا باعاسىن تۇراقتاندىرۋ بويىنشا وڭ ناتيجە بايقالدى. ياعني، 10 دانا جۇمىرتقانىڭ باعاسى 487-دەن 462 تەڭگەگە دەيىن تومەندەدى»، - دەپ ءمالىم ەتتى باسقارمادا.
جەڭىلدەتىلگەن زاەمدار اعىمداعى جىلدىڭ ءساۋىر ايىنىڭ سوڭىنا دەيىن باعانى تۇراقتاندىرۋ ءۇشىن «ماگنۋم» (الەۋمەتتىك ماڭىزى بار ازىق-تۇلىك تاۋارىنىڭ 19 ءتۇرلى اتاۋىنا 5,7 ميلليارد تەڭگە) جانە «تويمارت» (ءا م ا ت 12 اتاۋىنا 430,2 ميلليون تەڭگە) ساۋدا جەلىلەرىنە بەرىلدى.
ءونىمدى الدىن الا ساتىپ الۋ ەسەبىنەن «ماگنۋم» جەلىسىندەگى بولشەك ساۋدا باعاسى ورتاشا قالالىق باعادان -15 تومەن.
مىسالى، «ماگنۋمدا» قانتتىڭ ءبىر كەلىسى 265 تەڭگە، ال ورتاشا نارىقتىق باعا كەلىسىنە 360 تەڭگەگە دەيىن جەتەدى. ەگىن جيناۋ ماۋسىمىندا فەرمەرلەردەن كوكونىستەردى تومەن باعامەن ساتىپ الۋ ەسەبىنەن ماۋسىمارالىق كەزەڭدە (2021-جىلعى قىركۇيەكتەن 2022-جىلعى ساۋىرگە دەيىن) سورەدەگى باعا نارىقتىق باعادان 0 دەيىن تومەن دەڭگەيدە تىركەلدى.
وتىرىس جۇمىسىن قورىتىندىلاعان الماتى اكىمى ەربولات دوسايەۆ باسقا ساۋدا جەلىلەرىنىڭ وكىلدەرىن جەڭىلدەتىلگەن «اينالىم» قارىزدارىن بەرۋدىڭ قالالىق باعدارلاماسىنا بەلسەندى قاتىسۋعا شاقىردى. سونداي- اق، ءىرى نارىق وكىلدەرىن باعانىڭ نەگىزسىز كوتەرىلۋىنە جول بەرمەۋ تۋرالى ەسكەرتتى.
بۇدان بولەك، «دەلدالدىق سحەمالاردى» تەكسەرۋ جونىندە كوميسسيا قۇرۋ تۋرالى شەشىم قابىلداندى. «كوميسسيا اياسىندا ازىق-تۇلىك تاۋارلارىن وندىرۋشىلەر مەن جەتكىزۋشىلەرگە ساراپتاما جۇرگىزۋ، قايتا ساتىپ الۋشىلار تىزبەگىن انىقتاۋ جانە تىيۋ، الەۋمەتتىك ماڭىزدى ازىق-تۇلىكتەردىڭ باعالارىنا مونيتورينگتى كۇشەيتۋ، ساۋدا ۇستەمەسىنىڭ اسۋى انىقتالعان جاعدايدا، ءتيىستى شارالار قابىلداۋ قاجەت»، - دەدى ەربولات دوسايەۆ.
قالا باسشىسىنىڭ ايتۋىنشا، الماتى وبلىسىنداعى ارىپتەستەرمەن بىرلەسە وتىرىپ، «التىن وردا» ءىرى بازارىندا «دەلدالدىق سىزبالاردى» انىقتاۋ بويىنشا ءوڭىرارالىق كوميسسيا قۇرىلادى. ول جەردەن مەگاپوليسكە � دەيىن كوكونىس، جەمىس-جيدەك پەن ەت جەتكىزىلەتىن بولادى.