توقايەۆ: پۋتينگە ۋكرايناداعى جاعداي بويىنشا كەلىسسوز ارقىلى كەلىسىمگە كەلۋ اسا ماڭىزدى ەكەنىن ايتتىم
11:37, 03 - ناۋرىز 2022
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ كەشەگى رەسەي پرەزيدەنتى ۆلاديمير پۋتينمەن بولعان اڭگىمە جايىندا پىكىر ءبىلدىردى، دەپ حابارلايدى قازاقپارات.
«پرەزيدەنت ۆلاديمير پۋتينمەن ساۋدا-ەكونوميكالىق قاتىناستاردى دامىتۋ ماسەلەلەرى جونىندە سويلەستىم. ۋكرايناداعى جاعداي بويىنشا كەلىسسوزدەر ارقىلى كەلىسىمگە كەلۋ اسا ماڭىزدى ەكەنىن ايتتىم» دەپ جازدى مەملەكەت باسشىسى Twitter پاراقشاسىندا.
ەسكە سالا كەتەيىك، كەشە قاسىم-جومارت توقايەۆتىڭ رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەنىن حابارلاعان بولاتىنبىز. مەملەكەتتەر باسشىلارى ەكى ەلدىڭ ەكونوميكالىق جاعدايى مەن ساۋدا-ەكونوميكالىق سالاداعى ەكىجاقتى ىنتىماقتاستىق جونىندەگى ماسەلەلەردى تالقىلادى.