د د س ۇ: ۋكرايناعا گۋمانيتارلىق ءدالىز اشۋ كەرەك
ايتۋلارىنشا، قازىر ەلدەگى اۋرۋحانالاردا وتتەگى باللوندارىنىڭ تاپشىلىعى وتكىر سەزىلىپ وتىر. ويتكەنى ولاردى وندىرەتىن كاسىپورىندار جابىلىپ قالعان. قازىر ۇيىم وكىلدەرى وتتەگى باللوندارىن كورشى ەلدەردەن جەتكىزۋ مۇمكىندىگىن قاراستىرىپ جاتىر. سونداي- اق حالىقارالىق بىرلەستىك وكىلدەرى اسكەري وپەراتسيا باستالماي تۇرىپ ۋكراينانىڭ 23 ەمحاناسىنا مەديتسينا ماتەريالدارى جەتكىزىلگەنىن ايتادى. الايدا كيەۆ قويمالارىندا ساقتاۋلى تۇرعان زاتتاردى قازىرگى جاعدايعا بايلانىستى قولدانۋ مۇمكىن ەمەس دەيدى.
يارنو حابيحت، د د س ۇ ۋكرايناداعى وكىلى:
- ۋكراينادا وتتەگى باللونىن وندىرەتىن 3 زاۋىت جابىلىپ قالدى. باسقالارىندا بۇل زاتتىڭ قورى بولۋى مۇمكىن. الايدا قازىرگى جاعدايدا ولاردى اۋرۋحانالارعا جەتكىزۋگە دايىن جۇرگىزۋشىلەردى تابۋ قيىن. وتتەگى باللوندارى ءوز الدىنا، كەيبىر اۋرۋحانالاردا قازىر، ءتىپتى جارىق تا جوق.
www.24.kz