قازاقستاندىقتار ءوز الەۋمەتتىك جاعدايىنا قانشالىقتى قاناعاتتانادى - مونيتورينگ
وسى جانە وزگە دە الەۋمەتتىك ساۋالدار ناتيجەسى جونىندە ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى الەۋمەتتىك زەرتتەۋلەر ءبولىمىنىڭ باسشىسى جاننا كارىموۆا ءمالىم ەتتى، دەپ حابارلايدى قازاقپارات ءتىلشىسى.
«الەۋمەتتىك زەرتتەۋ مونيتورينگىنە قاتىسقان 6800 رەسپوندەنتتىڭ 60,4 پايىزى قالا تۇرعىندارى، قالعان 39,6 پايىزى اۋىل تۇرعىندارى. ونداعى ايەلدەردىڭ ۇلەسى - 44,6 پايىز، ال ەرلەردىڭ ۇلەسى - 55,4 پايىز. رەسپوندەنتتەردىڭ 65,5 پايىزى تاۋارلار مەن ازىق- تۇلىكتىڭ باعاسىنا، 53,2 پايىزى تۇراتىن جەرىنىڭ ەكولوگيالىق احۋالىنا، 51,7 پايىزى جولدىڭ ساپاسىنا، 45,6 پايىزى مەديتسينا ساپاسىنا، 44,7 پايىزى جەكە تابىس كولەمىنە، 39,9 پايىزى قوعامدىق كولىك قىزمەتىنە، 38,7 پايىزى ءبىلىم بەرۋگە جانە 34 پايىزى ءوز جۇمىسىنا قاناعاتتانارلىقسىز دەگەن باعا بەردى»، - دەدى جاننا كارىموۆا الەۋمەتتىك مونيتورينگ ناتيجەسىن تانىستىرا وتىرىپ.
ونىڭ ايتۋىنشا، حالىقتىڭ ويىن ءبىلۋ شاراسى 2 باعىتتا جۇرگىزىلدى. ءبىرى ازاماتتاردان جەكە سۇحبات الۋ ارقىلى، ەكىنشى جولى كوشەگە شىعىپ حالىقتىڭ پىكىرىن سۇراۋ جولىمەن. «ەلدەگى سوڭعى 9 اي ىشىندەگى الەۋمەتتىك وزگەرىستەرگە زەر سالاتىن بولساق. بارلىق پوزيتسيالار بويىنشا قاناعاتتانباۋشىلىقتىڭ ارتقانى بايقالادى. 2021 -جىلدىڭ ماۋسىم ايىمەن سالىستىرعاندا باعانىڭ وسۋىنە قاناعاتتانباۋ كورسەتكىشى 4,4 پايىزعا، مەديتسينالىق قىزمەت ساپاسىنا قاناعاتتانباۋشىلىق 7, 5 پايىزعا، ەكولوگيالىق احۋالعا قاناعاتتانباۋ 13,1 پايىزعا ارتقان. مونيتورينگ ناتيجەسىندە ازىق- تۇلىك جانە تاۋارلاردىڭ باعاسىنا اسىرەسە ب ق و (86,6%)، اقمولا وبلىسى (�,8) جانە اتىراۋ وبلىسىنىڭ (x,9) جۇرتى الاڭداتۋشىلىق تانىتتى»، - دەيدى ول.
بۇعان دەيىن حابارلاعانىمىزداي ەلىمىزدە حالىقتىڭ الەۋمەتتىك جاعدايىنا مونيتورينگ جاسالدى. الەۋمەتتىك زەرتتەۋدى ق ر پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتى جۇرگىزدى. ينستيتۋت مامانداردىڭ ايتۋىنشا، الەۋمەتتىك ساۋالناماعا 18 جاسقا تولعان، بارلىعى 6800 رەسپوندەنت قاتىستى.
اۆتور: ءالي يبرايەۆ