تۇڭعىش پرەزيدەنت تۋرالى زاڭدى قايتا قاراۋ ءماجىلىستىڭ كۇن تارتىبىندە جوق - ەرلان قوشانوۆ
ءماجىلىستىڭ جالپى وتىرىسىنان كەيىن تىلشىلەر پالاتا ءتوراعاسىنا ق ر تۇڭعىش پرەزيدەنتى تۋرالى زاڭدى قايتا قاراستىرۋ مۇمكىندىگى تۋرالى سۇراق قويدى.
«ءماجىلىستىڭ جوسپارىندا، كۇن تارتىبىندە بۇل ماسەلە ەسكەرىلمەگەن. كەزىندە ءتيىستى زاڭ قابىلداندى، ەلباسى - تاريحي تۇلعا. مەملەكەت باسشىسى وسى تۇرعىدا بىرنەشە رەت پىكىرىن بىلدىرگەن بولاتىن»، - دەدى ە. قوشانوۆ.
سونىمەن قاتار پالاتا ءتوراعاسى جاقىندا قاۋىپسىزدىك كەڭەسىنە، قازاقستان حالقى اسسامبلەياسىنا قاتىستى زاڭناماعا وزگەرىستەر ەنگىزىلگەنىن ەسكە سالدى. تۇزەتۋلەردە ەلباسىنىڭ قاۋىپسىزدىك كەڭەسىندە جانە قازاقستان حالقى اسسامبلەياسىنا ءومىر بويى ءتوراعالىق ەتۋ قۇقىعىنىڭ كۇشىن جويۋ كوزدەلگەن. «تۇڭعىش پرەزيدەنت تۋرالى» زاڭنان مەملەكەتتىڭ ىشكى جانە سىرتقى ساياساتىنا بايلانىستى باستامالار ەلباسىمەن كەلىسىلۋگە ءتيىس دەگەن نورما الىنىپ تاستالدى.
«ەلباسى مارتەبەسى تۋرالى نورما قالدى. سوندىقتان بۇل ماسەلەنى قايتا قاراۋ پالاتانىڭ كۇن تاربىندە جوق»، - دەدى ەرلان قوشانوۆ.
اۆتور: رۋسلان عابباسوۆ