ەلوردادا رەسپۋبليكالىق اقساقالدار فورۋمى ءوتىپ جاتىر - فوتو
فورۋمعا ق م د ب ءتوراعاسى، باس ءمۇفتي ناۋرىزباي قاجى تاعان ۇلى، ق ر مەملەكەتتىك حاتشىسى حاتشىلىعى مەڭگەرۋشىسىنىڭ ورىنباسارى ەرجان بايتىلەس، اقپارات جانە قوعامدىق دامۋ ۆيتسە- ءمينيسترى سەرىك ەگىزبايەۆ جانە اقساقالدار كەڭەسىنىڭ مۇشەلەرى مىرزاتاي جولداسبەكوۆ، ءومىرزاق وزعانبايەۆ، مۇرات جۇرىنوۆ، جابال ەرعاليەۆ سىندى قوعام قايراتكەرلەرى مەن رەسپۋبليكانىڭ تۇكپىر- تۇكپىرىنەن بەلسەندى اقساقالدار مەن وبلىستاردىڭ باس يمامدارى كەلدى.
جيىن قاسيەتتى قاڭتار قاسىرەتىندە مەرت بولعان قازاقستاندىقتاردىڭ رۋحىنا قۇران اياتتارىن باعىشتاۋمەن باستالدى.
«ق م د ب بيىلعى جىلدى «يسلام - ىنتىماق پەن بىرلىك ءدىنى» دەپ جاريالادى. وسى جىل اياسىنداعى جۇمىسىمىزدى ەل ىنتىماعى ءۇشىن، بىرلىگى ءۇشىن جۇرگىزەتىن بولامىز. بۇگىن ءمۇفتيات عيماراتىندا «قاريالار - ەل قازىناسى» اتتى I اقساقالدار فورۋمى ءوتىپ جاتىر. ءار كەزدە اقساقالدار ەلىمىزدىڭ قازىناسى بولعان، ءبىز اقساقالىن سىيلاعان تاربيەلى ۇلتتىڭ ۇرپاعىمىز. وسى قاريالاردىڭ ومىرلىك تاجىريبەسىن، ءبىلىمىن جاستارعا دۇرىس تاربيە بەرۋدە، يماندىلىقتى دامىتۋدا، سالت- ءداستۇرىمىز بەن انا ءتىلىزىمىزدى كەڭ ناسيحاتتاۋدا پايدالانۋدى جوسپارلاپ وتىرمىز»، - دەدى ناۋرىزباي قاجى تاعان ۇلى.
ونىڭ ايتۋىنشا، جىل باسىندا ق م د ب جانىنان اقساقالدار كەڭەسى قۇرىلعان. وعان جاسى الپىستان اسقان جانە ەل الدىندا ابىرويلى- سىيلى قاريالار شاقىرىلادى. فورۋمعا دا دەلەگات رەتىندە وڭىرلەردەن 80 گە جۋىق اقساقال كەلگەن.
«سونىمەن قوسا، قازىر الەمدەگى وزەكتى ماسەلەلەردىڭ ءبىرى - ءتۇرلى ءدىني اعىمدار. قازاق حالقىنىڭ سالت- ءداستۇرى ءاردايىم يسلام دىنىمەن ساباقتاس بولىپ جاساپ كەلەدى. سول قازاقتىڭ سالت- ءداستۇرىن ناسيحاتتاۋدا، ءدىني اعىمداردىڭ الدىن الۋدا اقساقالدارمەن بىرىگىپ جۇمىس ىستەيمىز دەگەن ويىمىز بار. بۇگىنگى فورۋمدا «قازىرگى ەل اقساقالاردارى، جالپى قازاق اقساقالىنىڭ تۇلعالىق كەلبەتى قانداي؟» دەگەن تاقىرىپتا بىرنەشە بايانداما بولادى. وسى فورۋمنان كەيىن باتا بەرۋ ۇلگىلەرى جونىندە اقساقالدارمەن جيىندار وتكىزىپ، رەسپۋبليكالىق باتا بەرۋ سايىسىن وتكىزۋ جوسپاردا بار. قازىر اقساقالداردىڭ دا دۇرىس باتا بەرۋى، ءپاتۋالى ءسوزى بولۋى وتە قاجەت بولىپ وتىر. بۇگىنگى فورۋمدا وسى ماسەلەلەردى ايتامىز. بارلىق ۇسىنىس- پىكىرلەر جيناقتالىپ، كەلەسى فورۋمداردا ناقتى قۇجاتتار قابىلدايمىز دەگەن نيەت بار»، - دەدى ن. تاعان ۇلى.
اۆتور: ايجان سەرىكجان قىزى