الماتىداعى پرەزيدەنت رەزيدەنسياسى ءسۇرىلىپ، ورنىنا ساياباق سالىنادى
14:10, 02 - ناۋرىز 2022
الماتى. قازاقپارات - الماتىداعى پرەزيدەنتتىڭ قىزمەتتىك رەزيدەنسياسى سۇرىلەتىن بولدى، دەپ حابارلايدى قازاقپارات.
بۇل جايىندا پرەزيدەنتتىڭ باسپا ءسوز حاتشىسى بەرىك ءۋالي ءمالىم ەتتى.
«مەملەكەت باسشىسى قاسىم-جومارت توقايەۆتىڭ شەشىمىمەن قاڭتار وقيعاسى كەزىندە بۇزاقىلار مەن لاڭكەستەر ورتەپ، قيراتقان الماتى قالاسىنداعى پرەزيدەنتتىڭ قىزمەتتىك رەزيدەنسياسى سۇرىلەتىن بولدى. ونىڭ ورنىنا قالا تۇرعىندارى ءۇشىن ساياباق سالىنادى» دەپ جازدى بەرىك ءۋالي Facebook پاراقشاسىندا.