ۋكرايناداعى قازاقستان ەلشىلىگىندە قانشا قىزمەتكەر قالدى
13:56, 02 - ناۋرىز 2022
نۇر-سۇلتان. قازاقپارات – ق ر سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ ۋكرايناداعى قازاقستان ەلشىلىگىندە قانشا قىزمەتكەر قالعانىن ايتتى، دەپ حابارلايدى قازاقپارات ءتىلشىسى.
بۇل قىزمەتكەرلەر قازاقستان ازاماتتارىن ەلگە جەتكىزۋ جۇمىستارىمەن اينالىسىپ جاتىر.
«ەلشىلىكتە 8 قىزمەتكەر قالدى، ونىڭ اراسىندا ءبىزدىڭ ەلشى دە بار. ەلشىلىككە تەلەفون شالساڭىز، ەلشىنىڭ ءوزى بارلىعىنا جاۋاپ بەرىپ جاتىر»، - دەدى ش. نۇرىشەۆ.
ونىڭ ايتۋىنشا، ۋكراينا ۇلتتىق گۆاردياسىنىڭ جەرگىلىكتى كۇشتەرى ەلشىلىكتىڭ قاۋىپسىزدىگىن قامتاماسىز ەتىپ وتىر.
«بومبىلاۋ مەن اتىس كەزىندە ءبىزدىڭ قىزمەتكەرلەر ەلشىلىككە كەلگەن قازاقستاننىڭ وزگە دە ازاماتتارىمەن بىرگە جەرتولەگە ءتۇسىپ، قورعانىپ ءجۇر»، - دەدى شاحرات نۇرىشەۆ.