قازاقستانعا سانكسيا تۋرالى ءسوز قوزعالعاننان كەيىن ۇلى بريتانيا ەلشىسى ق ر س ءى م- گە شاقىرىلدى
بۇل تۋرالى قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ ءمالىم ەتتى، دەپ حابارلايدى قازاقپارات ءتىلشىسى.
ماجىلىستە تىلشىلەر سىرتقى ىستەر ءمينيسترىنىڭ ءبىرىنشى ورىنباسارىنا قازاقستانعا قاتىستى سانكسيالار تۋرالى سۇراق قويدى.
«ۇلى بريتانيانىڭ پارلامەنتىندە ءبىر دەپۋتات سونداي ءبىر مالىمدەمە جاساعان. ءبىز رەسەي مەن ۋكراينا اراسىنداعى قاراما-قايشىلىقتارعا تىكەلەي قاتىسىپ وتىرعان تاراپ ەمەسپىز. سوندىقتان اتالعان ءۋاج بىزگە تۇسىنىكسىز. ءبىز بۇگىن ۇلى بريتانيانىڭ ەلشىسىن ق ر سىرتقى ىستەر مينيسترلىگىنە شاقىردىق. وسى ورايدا ول بىزگە تولىق تۇسىندىرمە بەرۋى ءتيىس»، - دەدى شاحرات نۇرىشەۆ. وسى ورايدا ول قازاقستان جاعى بارلىق مەملەكەتتەرمەن تۇسىندىرمە جۇمىسىن جۇرگىزىپ جاتقانىن اتاپ ءوتتى.
«قازاقستاننىڭ سىرتقى ىستەر ءمينيسترى دە ءتۇرلى حالىقارالىق پلاتفورمالاردا ءسوز سويلەپ جاتىر»، - دەدى ش. نۇرىشەۆ.
ايتا كەتەيىك، 1-ناۋرىزدا ۇلى بريتانيا پارلامەنتىنىڭ مۇشەسى مارگارەت حودج ۇلى بريتانيا س ءى م باسشىسىنان «پۋتيندى قولدايتىن» قازاقستان مەن ءازىربايجانعا قارسى سانكسيالار قاراستىرىلىپ جاتىر ما دەپ سۇرادى.